اهل الزوج

[محبة لاهل البيت]

لماذا في الغالب هناك مشاكل بين الزوجة وأهل الزوج ؟

لماذا وهم في الغالب هم من اختاروها ورضوا بها ولم يتم الزواج إلا وهم مقتنعون بها 100% ؟

لماذا يكون الحال قبل الزواج هو الفرح بمن ستكون زوجة ابنهم وبعد الزواج يقلبون لها ظهر المجن؟

لماذا هذا التناقض والتصرف غير المفهوم ؟


يعني إنسانة ذهبتوا وشفتوها وعجبتكم وقلتوا هي هاي البنت اللي بدنا إياها لولدنا.. وعرفتوا أصلها وفصلها.. فليش من بعد الزواج تحصل مشاكل؟

لا تقولوا غيرة.. وما بعرف إيش.. هاي الإنسانة إنتو اللي اخترتوها وما حد جبركم إنكو تختاروها ولا حد ضربكم على إيديكو وسحبكوا من إيديكو وأصر عليكو إنكو تناسبوها.. إنتو لوحدكم اللي رحتوا وجيتوا وعملتوا وسيتوا..



وأنا ليس قصدي إنو ما تحصل مشاكل وإنو الحال يكون سمنة على عسل العمر كلو.. لا .. شي طبيعي جداً إنو يكون في مشاكل.. بس بها الشكل: استحقار واستخفاف وتآمر وكيد وضغينة وحقد وحسد وضرب وما بعرف إيش وكل يوم تنكيد على الزوج وعلى حياتو.. وتحطوه بين أمرين: يا نحن يا هي..

أرجوكم معشر النساء.. هذه دعوة للتصارح وتبيان الأسباب الحقيقية لتلك المشاكل بينكم وبين زوجات أبنائكم وإخوانكم..



وأكرر: بنت إنتو اخترتوها بإرادتكم وعجبتكم وشفتوها مناسبة.. خلاص ما في داعي للمشاكل الكبيرة.. وإن كان من حاجة للنصح والتوجيه فبالحسنى وبأطيب أسلوب.. تماماً كأنها أختكم أو بنتكم مو واحدة غريبة.. وبعدين إنتو همكم راحة ابنكم وأخوكم.. فما داعي لكل لها المشاكل..

ولا زلت أنتظر الرد على سؤالي.. وأنتظر الصراحة والوضوح.. والحقيقة.. فقط الحقيقة.. ودمتم سالمين.