شعر شعبي بمناسبة هدم مرقد العسكريين

[منار الزهراء]

وين اهل الغيره صاروا وينهم...........شلون هدموا حضرتك مابينهم

شلون هدموا كبته يهل الشيم...........والمناره تطيح والكبر نهدم
الهادي موش ابن الرساله البي ختم...........وامه فاطم سيدة نسوانهم

شنهو ذنب الهادي ياامة السوء………للعلم عنوان للضيف القروء
باب حاجه والهم العالم لجوء………العفو والاحسان اصل بشانهم

ليش هذا الفعل يبن الطلقاء.........هيجي رديتوا الفضلهم والجزاء
مويكولون العرب اهل الوفاء.........موعرب انتو ولا من دينهم

انتو خالفتوا الجميع الانبياء...........لاعهد عدكم ولاعدكم ولاء
انتو وادم وبسريرتكم جفاء.........انتو لا منهم ولا من طينهم

الكم التاريخ يشهد بلشقاق.........شيوخكم اهل الدجل واهل النفاق
والمثل شيخ المضيره بهل السياق.........تركض كبال الاجدام بطونهم

عالمك كله عرفهه الكربلاء.........من ذبحتوا حسين وسبيتوا النساء
الارض حزنت والسمه مطرت دماء...........لاهو خجلوا لا كسر لعيونهم

هدمتوا كبره واله الاف الكبور............لا بلا كبره بملاين الصدور
ولك ذوله البسمه همه البدور..........النار الكم والحطب عدوانهم

هذا ديدنكم يظل ويه العمر.............انتو يا نوعيه كلي من البشر
ساعد الله حيدر عليكم صبر...........لان بس هو العدل مابينهم

هذا عار ايطوكك طول الزمان..........مثل ما طوك شيوخك بالهوان
تدري بيت الهدمت يابيت جان..........بيت الله والنبي وعنوانه

لأحد الشعراء العراقيين