كذبه>>كلمه لايكتبها الكمبيوتر

[جنة المشتاق]

السلام عليكم ،، اشلونكم
غاليتي الفاطميات هالموضوع منقول (مدونه كُميل الكويتي) عشان تعرفون أن مو كل شي ينقال فالنت أو في اي منتدى عالمي يكون صج
طبعا هالموضوع منتشر واااااااايد وللأسف موجود بالمنتدى عندنا
اقروا للأخر وشوفوا اشلون عقولنا جااااااااامده
أنا جربت اللي قاله كميل وصار <<لوووووووووول

اللي يستخدم ويندوز يمكن مرت عليه هالسالفة من جم سنة، يقولون لك بالايميل أو بالمنتدى “حتى بيل غيتس نفسه ما يدري ليش!!”… إيييي صحححححح عيل بس كُميل يعرف!

وعشان أسوي السالفة أكشن شوي جربوا معاي تسوون مجلد بس هالمرة حاولوا تسمونه أي شي من هاللسته:
AUX
CLOCK$
NUL
COM1
COM2
COM3
COM4
COM5
COM6
COM7
COM8
COM9
LPT1
LPT2
LPT3
LPT4
LPT5
LPT6
LPT7
LPT8
LPT9
PRN
أنا أستخدم ويندوز فيستا ويطلع لي مسج يقول:
[Window Title]
Rename
[Content]
The specified device name is invalid.
[OK]
وبعد ما أطق اوكي يرد الفولدر يصير اسمه New Folder. ومرات يطلع مسج شوي مختلف على حسب الحالة شلون قاعد احاول اسمّي المجلد ومن وين.
زين ليش؟
هالاسم والأسامي اللي فوق أول الموضوع كلهم أسامي محجوزة للنظام من سنين وبنين، يعني من أيام الـMS DOS، الحفاظ على هذي الأسماء محجوزة يخليه آمن ومستقر من ناحية العمل.
يعني تخيل نظام الكمبيوتر كأنه جمعية تعاونية بمنطقتكم، لازم بالجمعية فيها توزيعة إدارية ومسميات محجوزة، مثلاً مدير المخزن، مدير المالية،…الخ. ما يقدرون اييبون موظف يديد يقولون له وين نحطك وين نحطك… أهاااا نخليك مدير مخزن! لا يبه وين ما يصير هالاسم محجوز حق فلان ،، هذاك مدير المخزن ما يصير أي أحد مني والطريج تيي وتخليه مدير مخزن وين قاعدين؟
إذا صارت المسميات كل واحد وهواه التوزيعة الإدراية والشغل كله يصير غلطططط بغغغللللطططططط.
…بذمتكم شرايكم بالمثال مو قوي؟
في طريقة تخليك تسمي الملف بهالأسامي راح احط اشلون بآخر الموضوع
إذا سمحوا حق هالاسم يصير للمجلدات اليديدة راح يسبب وايد مشاكل وصراحة الويندوز بروحه مو قاصر لووول.
وعلى فكرة con هني اختصار حق كلمة console.
إذا واحد المرة الياية دزلكم هالايميل أو قال لكم عن هالحركة وشلون محد يعرف سببها قولوا له كُميل يقولك رووووح بابا رووووووووح هذا موقع مايكروسوفت الرسمي حاطين عن السالفة وسببها:
http://support.microsoft.com/kb/74496/en-us
حركة عالسريع/
تقدرون تسوون فولدر ماله إسم، يعني مثل فولدر شبح.
طقوا ALT وانتوا ضاغطين عليه طقوا الأرقام 255 باستخدام لوحة الأرقام بالكيبورد (يعني مو بالأرقام اللي فوق الأحرف بالكيبورد الرئيسي، ما يصير حق اللابتوبات اللي مافيها لوحة أرقام عاليمين).ويصير موجود مسجل بالنظام بس مو مبين.
وبعدين تكتبون الإسم con وبعده راح يصير اسمه بالشكل con محد يدري عن الحرف المخفي سووها حركة باللي سامع عن السالفة

اشرايكم اخواااااااتي الفاطميات