ما تبغي طفلك يسخن ولا يتألم وقت التسنين!!!

[رياحين]

بسم الله الرحمن الرحيم

السلام عليكم ورحمة الله وبركاته




ما تبغي طفلك يسخن ولا يتألم وقت التسنين........

انا شايفه امهااات كثثثييييير امهات تشتكي
من الوقت اللي يكون ولدها فيه بيسنن ...

معقوله ما تعرفوا الحل ؟؟؟؟

كل الامهات الكبار والعجايز ومن زمان معروف هذا الشي
والكل يستعمله ...

المهم هو ...



المحلب



هذا تلاقيه عند العطار تشتريه وتطحنيه وتحطيه على لثة طفلك كل يوم او يومين وان شاء الله بإذن الله يسنن من غير سخونه ولا تعب ولا الم حتى لو صار الم يصير على خفيف جدا ...

انا استغربت من وحده من صحباتي كنت اكلمها تقولي بنت اختي شلناها شيل من غير ما تحس بنفسها من قوة السخونه بسبب التسنين ... معقوله ما تعرف المحلب ..



بس عندي طريقه احسن بدل التعب وتدهني لثته
وطبعا هو راح ياكله وما يبقى شي في فمه الله يحفظهم ..


تاخذي قطعه قماش خفيفه جدا زي الشاش لازم تكون خفيفه ... وتحطي فيها محلب مطحون وتحطي شويه سكر نبات مطحون ...

وتاخذي قطعه القماش وتقصيها مربعات صغيره كل مربع تاخذي مقدار ملقعه صغيره من الخليط حق المحلب وسكر النبات

وتحطيه وسط القماش وتربطيه بحيث يصير زي الصره او زي البقشه فاهمين علي ..

وتربطيها بحبل او حبل من القماش نفسه وتعليقها في رقبته او في لبسه عشان كل ما يشوف الشي هذا اللي طالع عنده ياخذ هذي الصره ويحطها في فمه..

ويجلس يعضعض فيها مع الريق حقه يبتل القماش ويخرج المحلب في لثته ويستفيد منه ..

وسكر النبات فايدته عشان الطعم يعجبه يصير يفكره حلاوه ..




صدقوني يا امهات لازم طفلك تبدأي تسوي معاه هذا الشي من وقت ما يصير عمره خمسه سته شهور او متى ما بدأ التسنين صدقوني ما راح تشوفوا لا سخونه ولا حراره ولا ألم وحتى لو صار حتكون خفيفه جدا جداااااا ان شاء الله ..

لا تقولوا هذي من فين جابت الكلام !!! هذه تجربه شخصيه مني انا ...

وما شاء الله تبارك الله الكل نفعت معاهم وكل امهاتنا كانوا يسوا الشي هذا ونصحونا فيه ..

منقوول للفائدة


للي مايعرف المحلب هذي اضافة من عندي

المحلب هو نوع بذور ابيض اللون .. له رائحة ونكهه زكية جداً..
وهو يعطي للمعمول نكهة خاصة..
موجود عند جميع العطارين.. (لكنني لا اعرف اذا كان منتشراً في دول الخليج)

وهذه صورة البذور:


المحلب موجود عند العطارين

وسلامتكم