تجمع المتزوجات والمقبلات على الزواج

[أم محمـد]

أللهم صلِ على محمد وأل محمد وعجل فرجهم
السلام عليكم عزيزتي

اختي العزيزة ,, اقتنعتي بالقسمة لان هي خوش قسمة والشخص انسان مؤمن وملتزم وموالي حقيقي
وراح يساعدج ويعينج وياخذ بايدج للصح بالدنيا وبالاخرة
لو لان قسمة وجتي ,, وبعدين ليش معتبرة القسمة اللي تروح ما يجي بمكانها
بعدج صغيرة يا حبيبتي والعمر كله كدامج
مو قصدي اخرب قناعتج
بس الموضوع جبير والمسؤولية مو قليلة بهاي الخطوة
لان الزواج وحدة يحتاج مسؤولية وادراك من الانثى وتقديم تنازلات احيانا
وبذل كل جهدها حتى يكون زوجها راضي عنها دنيا واخرة
بحالتج راح تكونين زوجة وام لبنات اثنين بين ليلة وضحاها
والاهم البنتين يتيمات
بعني لازم تعامليهم باكثر من الحُسنى
لازم تكون طلباتهم مجابة قبل ما يطلبوها
لازم تسهرين عليهم واتعبين عليهم وتمسحين دموعهم وتعوضيهم حنان الام اللي ماكو شئ يبدله ويعوضه
لازم تكونين الهم أم ثانية ام حنونة وقلبها واسع ويستحمل
صح اذا كانت عندج القدرة ثوابج عند الله وراح تكونين انسانة عظيمة بعيون ابوهم والمجتمع والبنتيين وراح يخلون تعبج وياهم على راسهم
بس اي مرة راح تتعبين لو تملين من عدهم لو تفكرين حتى لو بينج وبين روحج ذولة مو بناتي ليش اتعب عليهم
او اذا قارنتي بينهم وبين اطفالج بالمستقبل
راح تفتحين الباب لابليس يدخل منه وراح ياكل عملج دنيا واخرة

ويبقى عزيزتي القناعة والسؤال والشخص اللي متقدم ورضا اهلج اكيد
كلها عوامل ما ممكن احنا بنصيحة نغيرها
لان انتي واهلج اللي ادرى بيها وبالاحسن من عدها
وان شاء الله يارب تكون احسن قسمة بنتظارج

وأن شاء الله باقي البنات يساعدوج وينصحوج يجوز اكو نقطة اني غفلت عنها