ببالغ الحزن والأسى

[حكايه عمر]

شـيـعـتـك تبجي و تنادي **يالمتت مسموم
مـرقـدك يـا عـلي الهادي** ابيا ذنب مهدوم
لـمـن سمعنه ** والله انفجعنه**ابيا ذنب مهدوم



إلـك شـيـعـه فـلا تـقـطـع بـواجيها
و لا نـار الـوسـافـه تـنـطـفـي بـيها
يـمـن قـبـة ضـريـحـك مـن نـصد ليها
مـثـل الـشـمـس أصـيـله ابكل معانيها
غـشـيـمـه الـرادت أنـوارك تـطـفـيها
يـبـن خـيـر الـوره و لـلـرحـمه هاديها
يـالـلـي نـور الرحمه نورك ** ينطفي هيهات
نـعـتـنـي الـقبرك نزورك ** و نرفع الرايات
و يـهل دمعنه ** و الله انفجعنه**ابيا ذنب مهدوم



يـالـبـحـبـك رسـول الـبـاري وصانه
يـبـن حـيـدر عـلـي الـمـتـميز ابشانه
و ابـن أشـرف ذبـيـح ابـجـوده و احسانه
الـك عـهـد الـرجـال انـرفـعـه مولانه
ضـريـحـك لـلـثـريـه انـعـلـي بنيانه
يـالـغـالـي الـرخـص بـمـحـبتك ادمانه
نـرخـص الـدم و الـمناحر ** ندحر الأشرار
و لـلـسـمـه انـعلي المناير ** ما نعوف الثار
الـغيره طبعنه** و الله انفجعنه**ابيا ذنب مهدوم



قـسـاوة زمـرة و أفـعـالـه حـاضـرنـه
إبـشـرور الـمـاضـي و اجـرامـه يذكرنه
بـعـد يـوم الـسـقـيـفه و جم زمن مرنه
طـعـام اسـيـوف امـيـه أضحت مناحرنه
و لـمـن صـارت جـمـاعـيـه مـقـابرنه
تـحـمـلـنـه و صـبـرنـه و مـا تـأثرنه
عـن يـقـيـن الـلـي يوالي ** يحمل الالام
ايـقـدم اشـمـا عنده غالي ** ايقارع الضلام
و يشهد وضعنه** و الله انفجعنه**ابيا ذنب مهدوم



نـفـس الـصـوبـوا ضـلـع أمـك الزهره
و نـسـوا جـدك و أبـوك و خـالـفوا أمره
ودسـوا لـلـحـسـن سـم طـائفي الغدره
وضـامـي حـسـيـن بـالطف و انقطع نحره
و ابـوضـع الـبـقـيـع انـتـه الذي أدره
جــم جـد الإلـك سـاوه الأرض قـبـره
واقـع الـحـال و مـصابه ** و الدمار الصار
عـودت نـفـس الـعصابه ** التبغض الكرار
و شكوه رفعنه** و الله انفجعنه**ابيا ذنب مهدوم



مـن سـلـطـة بـنـي امـيـه و بني العباس
راوونـه الـعـذاب الـلـي يـشـيب الراس
نـاس اتـسـلـم اسـلـوب الـجريمه الناس
و الـعـنـده ضـمـيـر و مـبدأ و احساس
عـدهـم يـعـتـبـر مـذنـب يجب ينداس
مـا يـردون صـاحـب مـرجـله و نوماس
عـدهـم الـمـعروف منكر ** و الوفي دجال
و الـشـريـف اشلون يقدر ** يصبر ابها الحال
حرفوا شرعنه** و الله انفجعنه**ابيا ذنب مهدوم



الـبـغـضـوا يـا عـلي الهادي الوصي جدك
ردوا مـن جـديـد اتـحـاشـمـوا ضـدك
و نـفـس الـصـابـوا الـسـم الحقد جبدك
شـافـوك ابـخـلـودك شـامـخ ومـجدك
يـنـتـقـمـون إجـوا بـالـهدم من عندك
إلـك شـيـعـه الـتـمـوت و تحتيي ابودك
عـن وعـي انصيح و عقيده ** يالطحت مظلوم
شـيـعـتـك ثارك نريده ** نصرخ ابكل يوم
نـهتف طلعنه** و الله انفجعنه**ابيا ذنب مهدوم