|
|||||||
السعادة الزوجية - عالم الحياة الزوجية - الأسرة و العلاقات الاجتماعية  |
|
|
أدوات الموضوع | إبحث في الموضوع | انواع عرض الموضوع |
|
|||||||
| السعادة الزوجية - عالم الحياة الزوجية - الأسرة و العلاقات الاجتماعية |
|
|
أدوات الموضوع | إبحث في الموضوع | انواع عرض الموضوع |
25-07-2010, 10:38 PM
|
#1 |
|
♣ مراقبة سابقة ♣
●•أدخلني برحمتك في عبادك الصالحين •●   
تاريخ التسجيل: Aug 2010
الدولة: بلاد الرافدين..النجف الأشرف
المشاركات: 1,015
معدل تقييم المستوى: 1067   |
قصة للعبرة... لكل المتزوجات
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته  إتق شر من أحسنت إليه الأمام علي (ع) قصة للعبرة... لكل المتزوجات ترويها صاحبتها ...فتفضلوا بقراءتها للأستعبار مع سبق الظّن الطيب بكل أخواتنا الفاطميات ولكن الحذر واجب  راح أقولكم قصتي بالتفصيل وحسبي الله ونعم الوكيل في اللي كان السبب وانا مخلية أمري لله لانه بياخذ حقي ودايما اصبر نفسي واقول يمكن نصيبي يصير جذي ويمكن خيرة بس حبيت احذر كل المتزوجات من اللي يشاركون بالمنتد يات ديرووووووا بااااااااااااااااااااااااااااا اااااالكم من السوالف اللي تحطونها الله يسلمكم انا عمري 35 سنة وكل من يشوفني ما يعطيني هالعمر لان شكلي وايد صغير وهذا ابدا مو غرور يعني مادري انا نفسي احس اني من داخل صغيرة وبعدي مراهقة والحمدلله على قدر من الجمال. تزوجت من 5 سنوات من شخص عن طريق الاهل لأني ما أفضل زاوج الحب. وهالشخص اكبر مني ب 7 سنوات هالشخص حبيته وحبني وعشنا حياتنا كأي زوجين عاديين حياتنا كانت مليانة علينا واكيد نصادف مشاكل ونمر بظروف ونتناجر لكن هالشي عادي الكل يمر فيه وهالخلافات على قولة مادري منو ملح الزاوج والله مارزقنا بأطفال لأن لحد جم مرة حاولنا نعالج وجربنا كل شي لكن للأسف مافي شي والأطبا يقولون انتوا طبيعين ومحد فيه شي يعني الموضوع بيد الله سبحانه والحمدلله لا انا ولا اهو كنا مصممين على موضوع الانجاب يعني كنا عادي وما كنت أحسه ضايق خلقه وكنت احاول اجس نبضه بين فترة وفترة وابي اعرف اذا مشكلة الانجاب منقصة حياته تالي عرفت ان السالفة عادي المهم استمرت حياتنا ومافيها اي شي مو طبيعي. لحد ما قررت بأحد الايام ادخل احد المنتديات وسامحوني ما اقدر اذكر اي منتدى يمكن يكون هذا ويمكن يكون منتدى ثاني كل الي اقدر اقوله انه منتدى و كطبع اي اانثى تحب تروح حق القسم المخصص لها من منتديات المراة والنقاشات بخصوص العلاقة الزوجية او المواضيع اللي فيها تحسين للعلاقة بين الزوج ومرته وداخل هالمنتدى كانت تطرح مواضيع وايد تطرحها عضوات وايد وكنت انا اشارك حالي حال با جي العضوات المتزوجات واتكلم عن تجربتي بالزواج أو يكون ردي على حسب الموضوع لحد ما تفاجأت باحد الايام ان وحدة من البنات بهالمنتدى دزتلي رسالة على الخاص وقالت لي انها معجبة بأسلوبي وحست ان فيه تقارب مابيني وبينها ومن هالكلام والي عارفينه لما اي وحدة بتتعرف على الثانية وانا شكرتها وطلبت مني اضيفها على المسنجر وضفتها على المسنجر ويوم بعد يوم كانت علاقتنا تكبر وما كان فيه اي شي مو طبيعي كانت وايد حبوبة وطيوبة وتبادلنا ارقام النقال وحتى كنت أقول حق ريلي تعرفت على وحدة من منتدى وطلعت خوش مرة يحليلها وكانت " مطلقة " وتعمقت علاقتنا مع بعض اكثر لحد ما صار اليوم اللي صار بينا زوارات وقلت انا راح أبدي وعزمتها على العشا في بيتنا وحبيتها اكثر وصارت لي مثل الأخت لكن مع مرور الوقت حسيت عليها شي غريب والصراحة خلاني أشك بشي كانت وايد تسألني عن زوجي وبيتي وطبع زوجي. يعني بالاول كانت تسأل وما كنت أشك فيها يعني عادي حالها حال أي وحدة لكن مع الوقت شفتها حيل مسوية فوكس على ريلي وتسأل أسألة انا نفسي ماطرت على بالي واي بنات الحين عادي بتيي الطامة الكبرى اللي نقصت علي عيشتي تدرون شصار؟ الاخت حاطة عينها على ريلي وكل المدة اللي كانت تتقصى وتسأل عنه وانا معطيتها الاشارة الخضرة واعطيها اجابات وافية اثاري كانت تبي تعرف عنه كل صغيرة وكبيرة. وخلال الفترات اللي كانت تيي بيتنا كان ريلي يشوفها يعني مجرد يقول السلام ويطلع. تدرون الحين شنو وضعي؟ ريلي طلقني علشانها وااااي قلبي يعورني. ريلي اللي حبيته وحبني طلقني علشان وحدة تعرفت عليها من منتدى وفتحت لها بيتي واعتبرتها مثل اختي. طحت عليه ذاك اليوم الي كان موديني بيت اهلي وقالي انه بيرجع البيت بيركب شيء حق حمام غرفة النوم قلتله خلاص مو مشكلة لا تيييني اخلي اخوي بعدين يقطني البيت عاد مادري شنو اللي قارص قلبي ومو مخليني ارتاح طول الفترة الي قاعدة فيها بيت اهلي كلش ماكنت طبيعية كنت حاسة بشي مادري شنو اهو وكان شي يقولي روحي البيت حتى خواتي وامي حسوا اني مو طبيعية لاني مو قاعدة اكل عشا عدل ولا العادة انا بلعة. المهم قلت حق أخوي يوديني البيت لأني نسيت شي ووداني اخوي حبيبي ودخلت البيت وانا على اعصابي والصوت الي بداخلي لحد الحين يلح علي ويقولي الله يعينج على الي بتواجهينيه رحت ادور ريلي مثل المفتش وحيد داخل البيت جان اسمع حس بغرفة النوم رحت شوي شوي تسحبت ولا اشوف ريلي قاعد على السرير ويتكلم بالتلفون مادري ليش نطرت شوي وقلت اتسمع لأن الباب كان مردود ومو مسكر ولا الصدمة طلعت ان اللي يكلمها صديقتي الي تعرفت عليها من المنتدى انا اول شي ماصدقت بس لما كان يكلمها كان يقول: صدقيني كلها أسابيع ونكون حق بعض انتي لاتشيلين هم وطلاق بطلق شنو بتسوي يعني واي حسيت نفسي قاعدة بفلم عربي يعني تخيلوا بنات هذي المكالمة حسيتها اهم مافي الموضوع ولما كان قلبي ناغزني في بيت اهلي طلع ان قلبي دليلي عاد انا ماصدقت خبر جان ارفس الباب بريولي وافتحه كأني داشة حلبة مصارعة وريلي من كثر ما اهو متصروع التلفون طار منه وطاح على الارض وفز من السرير يعني لو كان الوضع رواق جان مت من الضحك لكن الوضع حيل متشنج دخلت الغرفة واول شي سويته خذيت موبايبله من الارض والحمدلله الاخت الحلوة بعدها ما سدته قلت: الو قالت: الو منو؟ جان تسده على طول وريلي ولا كلمة جان هني استقوي واستلمه: انا يا فلان؟ تبي تطلقني وتاخذ هذي؟ انا شمسويتلك؟ ليش كل هذا؟ وقتها كنت حيل مو بوعيي بنات واي قلبي عورني كل ما اذكر السالفة والحمدلله وقتها مابجيت كان عندي قوة تحمل عالية بكل بساطة كان رده: هذا الحب مايعرف حدود >> حبك برص و10 خرص وانا الصراحة احبها وناوي اتزوجها واذا تبين اطلقج ماعندي مانع واذا تبيني على ذمتي هم ماعندي مانع طبعًا اكيد طلبت الطلاق وتطلقت الحمدلله لاني مستحيل اعيش مع شخص حب وحدة كانت صديقتي وبعد يومين من السالفة دزتلي صديقيتي اللي كنت احسبها جذي مسج تدرون شتقول؟ تقول بكل وقاحة وقلة ادب: انا الصراحة حبيت ريلج من وصفج له وخاصة من المنتدى وردودج كنت اتابع كل شي تقولينه عن ريلج وكل موضوع عن اعياد الميلاد وعن الجو الي تسوينه معاه وعن طبعه عرفتهم منج كنت ناوية اوصله عن طريقج وصار اللي ببالي واااي انا حاشني انهيار ونمت بالمسشفى من ورا هالمسج تعبت نفسيًا وجسديأ وبعد ما كنت متينة بطة صرت عصلة عود واللي زاد مرضي ورقة طلاقي وغير ناس من طرفه قالوا انه تزوج. اهله لا يحلون ولا يربطون لأنهم من طقة ان الريال ما يعبه شي والمرة اهي العوبة والحمدلله كل مرة احمد ربي اني ما يبت منه ولد وانا الوم نفسي قبل كل شي لأني كنت السبب بالطلاق كنت أقول طبع ريلي بمواضيع عامة ومادري منو متربصلي من بعيد ويراقبني لحد ما يتلي هذي وباقته منه وطارت والحين صارلي 4 شهور من السالفة والحمدلله حالي احسن لكني لحد الحين اعاني من رواسب هالسالفة اللي صارلي مو شوي طعن من زوجي وحبيبي وطعن من صديقتي بنات عفية اتعضوا من سالفتي ولا تقولون سوالفكم بحذافيراها بالمواضيع العامة انتوا ماتدرون منو متربصلكم يعني تقولين سوالفج واكشناتج ووناستج مع ريلج وريلي اييبي جذي وريلي يوديني جذي وريلي عطاني وتتعرف عليج وحدة وتحسينها طيبة وتفتحين لها بيتج وقلبج وبعدين تبوق ريلج باردة مبردة حسبي ونعم الوكيل بس الله فوقها واهو الي بيرد حقي منها ****لله {{منــــــــــقـــووووووله للفائده}}
__________________
التوقيع  فان نهزم فهزامون قدما * وإن نهزم فغير مهزمينا وما إن طبنا جبن ولكن * منايانا ودولة آخرينا فقل للشامتين بنا افيقوا * سيلقى الشامتون كما لقينا إذا ما الموت رفع عن أناس * بكلكله اناخ بآخرينا ( اللهم إنه لم يمس أحد من خلقك أنت إليه أحسن صنيعا، ولا له أدوم كرامة ولاعليه أبين فضلا، ولابه أشد ترفقا، ولا عليه أشد حيطة ولاعليه أشد تعطفا منك علي، وأن كان جميع المخلوقين يعددون من ذلك مثل تعديدي فاشهد ياكافي الشهادة بأني اشهدك بنية صدق بأن لك الفضل والطول في إنعامك علي وقلة شكري لك فيها. يا فاعل كل إرادة، صل على محمد وآله، وطوقني أمانا من حلول السخط لقلة الشكر، وأوجب لي زيادة من إتمام النعمة بسعة الرحمة والمغفرة، أنظرني خيرك ...ولا تقايسني بسوء سريرتي، وامتحن قلبي لرضاك، واجعل ما تقربت به إليك في دينك خالصا ولاتجعله للزوم شبهة ولا فخر ولا رياء ياكريم،   اللهم أرفل ببركاتك ونعمائك ورضوانك على حبيبتي أحلى قمر نسأل الجميع براءة الذمة.....
|
|
|
| مواقع النشر (المفضلة) |
| الفاطميات الذين يشاهدون محتوى الموضوع الآن : 1 (0 فاطمية و 1 زائرة ) | |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أسئلة للمخطوبات و المتزوجات | لهم ولائي | السعادة الزوجية - عالم الحياة الزوجية - الأسرة و العلاقات الاجتماعية | 23 | 22-10-2012 06:25 AM |
| فاطمة الزهراء «ع» قدوة المتزوجات | نور زينب | نور فاطمة الزهراء(ع) موسوعة شاملة عن سيرة الزهراء(ع) وكل ما يتعلق بحياتها ومظلوميتها | 6 | 18-06-2010 10:56 AM |
العرض الشجري