بعض الكوتين فالشارع .. هههههه

[جنة المشتاق]

دايما على باله اللي حوالينه بالشارع يعاندونه .. يخسي ما يطوف قبلي .. أخاف بس بخليك تلف .. ترك من ألحين لي باجر .. يحليله الكويتي .. نيته غالبا صافيه

ما يدور عنده ممنوع و ما يصير .. منوع تلف .. يلف .. شاف ماكو أحد بالدوار قلبه يو تيرن .. من له خلق يلف 360 درجه .. ماكو لفه .. دبر عمره و صعد رصيف و نزل بالشارع الثاني .. يحليله الكويتي .. شــقــٌردي

الكويتي كبير السن ما يعترف بإشارة السيارة .. لي بغى يلف طلع إيده من الشباك وأشر لك .. يحليله الكويتي .. إنسان عملي

اذا يبي يلف و الشارع اللي بينزل فيه زحمه و السيايير ما توقف ومحد راضي يطوفه .. يحذف سيارته عليهم علىشان يوقفون غصب .. يحليله الكويتي .. فــــــداوي

يا يمشي 140 بالحاره اليمين .. يا 80 بالحاره اليسار .. لا و إن تركت له علشان يوخر يطق لك إشاره يسار .. يعني روووح مووت ماني موخر .. يحليله الكويتي .. إنســان متفهـــــم

الكويتي المراهق .. الجو حلو .. الجو غبار .. الجو حار ما يهمه .. ينزل الجامه ويرفع ريله و يطلع صبع ريله الكبير من الشباك .. يحليله الكويتي .. مــــزاج

الكويتيه الشابه .. غالبا ما تظن ان اللي يمها قاعد يغازلها و يتحرش فيها .. يا يبه مسكره الباب على تنورتج .. يالطيبه التاير فاش .. مالك أمل .. تطالعك من فوق لي تحت و تلف راسها .. يحليلها الكويتيه .. ثقـــــه

من هواياته دوس القطــــاوه .. يعجبنــــي الكويتي .. دمــــــوي
(منقول)
-------------------------------------------------------
بالنسبة حق الشابة الكويتية
صارت معاي .. مره كنت ماشيه و واحد يلاحقني و يأشر وأنا مطنشه آخر شي نزلت الجام بزفه جان يصرخ بويهي ويقول : التاير (عجل السيارة) منبط (منفجر)كااااااااااااااااااااااااك فشلة
أكيييييييييييييد انتو بعد عنكم سوالف فالشارع ههههههههه