ملف طبخاتي

[رضاك ربي]

بسم الله الرحمن الرحيم
اللهم صل على محمد وآله الآطهااار
السلام عليكم ورحمة الله وبركاته

بما أني أحب أصور اللي أطبخ قررت أسووي ملف لطبخاتي للفائدة

أول طبق
بريد باللحم

الطريقة

أخذت دجاج وحمسته عاد أنتوا والحمسه اللي تحبوها وبعدين شلت حواف البريد وصفيتهم في الصينيه طبقه وحده وحطيت جبن سايل فوق البريد وبعدين حطيت الدجاج وبعدين حطيت جبن شرايح فوق الدجاج وحطيت بريد فوق الجبن وبعدين حطيت فوق البريد
خلطت جبن سايل وبيضه وحده وحطيتها فوق البريد وحطيتها في الفرن وأذا تحمرت طلعوها وبالهنا والشفا >>> اللي مافهم يقوولي ماأعرف أشرح

ثاني طبق

كيكة الزعتر بالجبن

مقاديرها:
3 بيضات
نص كأس زيت
1 ملعقة بيكنك بادور
1 ملعقة فانيليا
نص كأس لبن غليط أو علبة روب
واحد ونص كأس طحين
ثلاث أرباع كأس سكر
الطريقة:
أول شي قطعوا جبن كيري مكعبات صغار وصفوه في الصينية
وبعدين خلطوا جميع المقادير مع بعض وصبوه في الصينية >>> طبعآ يكون الخليط فوق الجبن
وبعدين رشو فوق الخليط زعتر وبعدين حطوه بالفرن >>> واللي مافهم يقولي
وصحه وعافيه على قلوبكم

ثالث طبق

آيسكريم سنكرس

هو عدت طبقات

الطبقه الاولى...
علبة بسكوت مطحون
علبة قشطه

تخلط وترص في الصينيه وتوضع في البراد

الطبقه الثانيه...
ثلاث ملاعق زبدة الفول السوداني(بنات بتر)
ثلاث ملاعق حليب محلى
علبة قشطه

ثم يوضع على الطبقه الاولى ويرجع الى البراد

الطبقه الثالثه...
ظرف دريم ويب
ملعقتين حليب بودره
كوب ماء بارد(كوب صغير)

ثم يوضع على الطبقه الثانيه ويرجع الى البراد

الطبقه الرابعه والاخيره...
كاكاو (اي نوعيه تبغونها)
اربع حبات جبن كيري
سبال مكسر
علبة قشطه

يذوب الكاكاو يخلط مع باقي المقادير ويوضع على الطبقه الثالثه ويرجع البراد
يمكن أكله بعد تقريباً نصف ساعه

وصحه وعافيه على قلوبكم

رابع طبق

دجاج بالجبن والقشطه

الطريقه
المقادير
أول شي قطعو بطاطس دوائر وأقلوها وخلوها على جنب
وبعدين حمسو دجاج الحمسه اللي تحبوها وبعدين جيبو صينية
صفو فيها بطاطس طبقه وحده وبعدين حطو الدجاج فوق البطاطس وبعدين صفو فوق الدجاج بطاطس بعد وبعدين خلطو بالخلاط جبن وقشطة وصبوها فوق البطاطس والدجاج وبعدين حطوها بالفرن وأذا تحمر طلعوها من الفرن
وبس
وصحه وعافيه على قلوبكم

خامس طبق

حلى سينابارتس Cinnaparts

المقادير

2 ونصف كاس طحين ابيض
1 بيضه
ثلث كاس سكر
ثلث كاس زيت
ثلث كاس حليب ساثل
2 ملعقه صغيره خميره فوريه
1 ملعقه بيكنج بودر
تقريبا ثلث كاس ماء دافي

الطريقه

نخلط كل المقادير مع بعض ماعدا الماء
ونبتدي بالعجن وشوي شوي نضيف الماء ( ممكن نحتاج اضافة ماء زياده ) الى ان نحصل على عجينه لينه شوي مو مثل المعجنات الين شوي

بعد تقريبا ساعه يتضاعف حجمها ونبتدي نشكلها

نكون مجهزين ..
*ربع كاس زبده مذوبه
*ثلاث ارباع كاس سكر ( بودره او خشن -حسب الرغبه-) مع 2 ملعقه كبيره قرفه مطحونه
( ممكن اضافة مكسرات مطحونه مع السكر او ملعقة كاكاو بودره - حسب الرغبه -)

نكور العجينه الى كوره بحجم حبة الجوز او اصغر ونحطها بالزبد وبعدين بالسكر

نحط الكور الي سوينها في صينيه ( ممكن تختاري شكل الصينيه اللي تعجبك )
نخلي العجينه ترتاح قبل ماندخلها الفرن لمدة 10 دقائق
بعدين ندخلها الفرن الى ان تنضج
انتبهي لان ممكن يكون شكلها ناضجه بس تكون معجنه بالوسط
عشان تعرفين انها استوت ضغطي علي العجينه بصبعك اذا ضغطتي ونزلت مكان صبعك ولا ارتفعت معناها مانضجت
اما اذا ضغطتي عليها وارتفعت ثانيه معناها استوت
بعدها نقلبها في صينية التقديم
نحط على الوجه ( علبة حليب محلى صغيره مع 3 حبات كيري مخلوطين بالخلاط )
شوكلاته هرشي او ( انا استخدمت مربع شوكلاته خام مذوب مضاف له ملعقتين قشطه ) حسب الرغبه

وصحه وعافيه على قلوبكم

السينابون الكذاب بس

سويتها بالبريد وطلعت طعمها لذيذ وأخف من السندوش
أول شي قطعت حواف البريد وبعدين قسمت البريد بالنص وصففتهم بالصينيه بالطول >>> أن شاء الله فهمتوا قصدي
وبعدين خلطو الطبقه الاولى
تجيبون باديه وتخلطون فيها
قوطي حليب بوني >>> أكيد تعرفونه
وقرفه مطحونه
وبيضه وحده
وبعدين صبو الخلطه فوق البريد
وبعديـن حطوها بالفرن لمده عشر دقايق ولا خمسه عشر دقيقه أنتوا شوفوها أذا شفتوا أستوى اللي فوق طلعوها من الفرن مو تخلونها تحترق >>> خوش وصف
وبعديـن طلعوها من الفرن وحطو الطبقه الثانيه
خلطوا في الخلاط
ثلاث حبات جبن كيري
وعلبه حليب محلى نسله
وبعدين صبوها فوق الخلطه الاولى
وبعديـن دخلوها الفرن عشر دقايق وطلعوها من الفرن
وبعدين زينوها بالشكولاته السايله هيرشي
وبالعافيه

تعبت
لي عودة للتكمله
تحياتي
أختكم
رضاك ربي