المنام الذي رأته مشرفة دار فاطمة للصلوات في الكويت

[خادمة آل محمد]

المنام الذي رأته مشرفة دار فاطمة للصلوات في الكويت





السلام عليكم ورحمة الله وبركاته

ارجو ان تكونوا جميعا بخير وعلى افضل حال



انقل لكم منامها وهذا نصه







شفت في المنام مبنى كبير واااااايد ، شكله مثل الحسينية فيه صالتين كبار ، وهذا المبنى تابع لدار فاطمة للصلوات ، وكانت ناس كثيره جالسه تدخل في هذا المبنى



في داخل هذا المبنى كان ابوحسن واقف وكان في إيده مسباح شذر ( مسباح لونه فيروزي ) وكان بجنبه على جهة اليمين شخص ، كان هذا الشخص ماشاءالله وايد ضخم وماشاءالله طويل وجمييييييل شكله وشكل ملابسه يشبه نفس الأئمه اللي يرسمونهم بس ما اعرف هل هو امام او لا ، كان في إيده مسباح شذر بس حباته كانت كبييييره وايد وكان ابوحسن مع هذا الشخص يستقبلون الأشخاص اللي يدخلون وكان ابوحسن يعرفه فيهم ويقوله : هذا إسمه فلان وهو مشارك معانا

في دار فاطمه وبعدين يقوم اهو ويسألهم من إنتو إشلون تعرفتو على دار فاطمه وعن طريق منو وكل شخص بعد ما يجاوب يدخل الصاله الثانيه وبعدين وصل دوري وكنت مع وحده اعرفها بالحقيقه ومع انها مو مشاركه معانا بالصلوات بس دخلت معاي



وقام ابوحسن وعرفه فيني وسألني إنتي من وين عرفتي دار فاطمه ؟ قلت له : آنا دخلت بالنت على موقع وسويت سيرج ( بالحرف الواحد قلتله سيرج ) وطلعلي إسم دار فاطمه وشنو الهدف من تأسيسها و لما شفت اهدافها سجلت فيها وطبعا في كلام ثاني وسالني أسئله اخرى ما اذكرها شوي والا أشوف عن يميني وحده ما عرفت منو هذي بس إمرأه كأنها لابسه عباة ومغطيه وجهها بس الغطاء كان يشف قليل من وجهها وسألتني إنتي شنو الفايده اللي طلعتي منها من هذي الصلوات ؟ قمت آنا وبكيت

قلت لها : آنا هالصلوات غيرت حياتي كلها وساعدتني في أمور وايد وخلتني أقدر أتخطى الصعاب اللي قاعده تواجهني في حياتي وعلمتني اشلون اصبر واتحمل وقلت لها مهما وصفت لكم ما اقدر اقولكم شنو سوت لي هالصلوات وكنت وآنا اكلمهم التفت على الناس اللي دخلوا الصاله الثانيه وكأنهم وااايد فرحانين بدخولهم هالمكان وظليت آنا مع هذا الشخص وابوحسن قاعده اتكلم وياهم لما صحيت من النوم .



************************************************** ***************************



لاحظوا كيف يسأل الجميع كيف تعرفت على الدار ، هذا يعني انه مهتم بكل من يعمل على نشر الصلوات بين المؤمنين والمؤمنات



ربما ان الصالتين الكبيرتين اشارة الى النشاطين التي تقوم بهما دار فاطمة

النشاط الاول نشر وجمع الصلوات وبقية الاذكار

النشاط الثاني نشر فضائل اهل البيت من خلال الرسائل الطويلة والقصيرة





ايضا لاحظوا اخر كلمة في المنام ، ان ام السادة كانت اثناء التحدث تنظر لمن دخل الصاله وكانهم فرحيين جدا بدخولهم

ولعل دخولهم الصاله يدل على قبولهم وقبول اعمالهم من هذا الشخص الذي اعتقد انه احد ائمة اهل البيت عليهم السلام



هناك نقاط كثيرة اخرى في المنام



هنيئا لأختنا ام السادة على هذه الرؤية

وفقكم الله لكل خير



دار فاطمة للصلوات

نستقبل اعداد صلواتكم كل ليله خميس على الايميل

darr_fatemah@hot
خادمة آل محمد

[عبير الزهــــــــراء]

اللهم صل على محمد وال محمد

اللهم صل على محمد وال محمد

اللهم صل على محمد وال محمد

رؤيا جميله تبشر بالخير لمانفعله جميعا

هنيئا لك اخيتي ام الساده

ولاحرمنا تواصلك

[خادمه الحوراء زينب (ع)]

اللهم صل على محمد وآل محمد

هنيئااااااااا لها الحلم المبارك

[محبة لاهل البيت]

اللهم صل على محمد وال محمد

اللهم صل على محمد وال محمد

اللهم صل على محمد وال محمد

رؤيا جميله تبشر بالخير لمانفعله جميعا

[خادمة آل محمد]

رحم الله والديكم على المرور العطر
ووفقكم لكل خير

نتمنى انضمامكم الى دار فاطمة للصلوات والتزود بالخيرات الكثيره

دار فاطمة للصلوات
خادمة آل محمد