نبي افكاركم للحد من مخاطر الافلاس الشهري

[بنت الهدى]

أني عندي فكره
ونشالله تستفيدو منه على لااقل لااخر شهر او اقت لاافلس
كل وحده تخلي عنده حصله من نوع الي ينفتحه
من بديت ما يستلم زوجه وا تستلم راتبه تحط خمسه ريال يومي
واد من نوع الي يروح المطاعم تحول تاخد نص سعر بمعنى اد تاكل 100 ريال تقتصد لانه اكيد في طبخ تقدر تسويه في البيت وتخد الفلوس الي ما ستخدموه في المطعم وتحطهم في الحصله وراح تشوفي الفرق باذن الله
ملاحظه ادكانت تاخد مصروف كامل راح ضيعه في السوق كله وترجع ايدى وراى وايد قدام صح بس اذ اخدت كل يوم خمسه وحطتهم راح توفر حولو :d19:

[بنت الهدى]

حاااااااااااااااااااااااااااولو
والحكمه تقول فلسك لاابيض ينفع الى يومك لااسود
والقناعه كنز لاتفنى11

[ثلج ونار]

اخ من الافلاس هههه

مشكله.. بس المشكله مو بس سالفه مافي تخطيط او شي جذي

بالله عليكم اي تخطيط ينفع ويا راتب 200 او 300 دينار هالايام؟؟ خصوصا لو كانت عايلة كبيرة وبنات وجهال ومصاريف مدارس واكل ولبس وسيارات و و و

يعني مثل ماقالت اخت عنوني نخطط وبعدين مثلا تخترب السيارة وخبركم السيارات لين اختربت حتى لو مخلين مصروف احتياطي بتاخذه وازيد فوقه بعد

احنا قبل كنا دمار في التخطيط والمصاريف ههه بس الحين ويين واجد فرق والحمدلله .. خصوصا من جى الولد زوجي قام يخاف انه نفلس ونحتاج للجاهل شي.. فعرف شلون يخلي البيزات تظل لنهاية الشهر

ودايما اول شي الفواتير وبترول وجمعيات وجذي
احنا حاليا ماعندنا سالفة توفير مبلغ ادخار بس جذي يعني لانه مافي جانس كللش.. بس نشيل للولد كل شهر مبلغ معين كأنه مصروف جيب لواحد كبير يعني ونخليه على صوب ساعات نحتاجه مثلا في بعض الازمات نلجأ له عن الديون من برى احسن .. ونهايه الشهر لو كان في جانس يرد يرجعه زوجي عن حساب متدين من عند ولده ههه

الله يغني الجميع ولا يخلي احد محتااج

[نور الورد]

موضوع حلوو

احنا بعد اول ما يطلع المعاش على طوول الى فواتير التلفون والنت .. وقسط السيارة .. وشحن بطاقة البترول ضروري .. وبعدين نشتري اغراض البيت .. واذا كنت محتاجة لبس لي او الى العيال او ابو الشباب اشتري وانخلي المبلغ المتبقي في البنك .. بس للأسف زوجي ما يحب يلتزم بمزانية وخرابيط على قولته عنده شي اسمه اصرف ما في الجيب يأتيك ما في الغيب بس انا اقول له اهمشي يظل الراتب لنهاية الشهر ..

اتمنى اشوف ميزانيتش دموع الكوثر يمكن اسويها لينا ,,:d41:

[كوافيرة]

اي راتب يكفي في هالزمن هذا<<< نفس حالتنا قرض ومصاريف البيت وعندنا ولد الله يخليه والبترول وفاتورة النت والتلفون وغير الديون الا علينا انسلم فيها الفلوس طايرة طايرة ما في محال

[((ام السادة))]

الميزانية يبي ليها ترتيب عدل,,وشخص يعرف شلون يرتب
عني ماقدر اجود بيزات في بوكي بس قد ماقدر احاول اني اشترك في جمعيات بس بعد استلمها وتروح في لمح البصر على اشيا مادري من وين تطلع

[الامورة شجن]

ان شاء الله أكتب لكم طريقتي كامله في تقسيم الميزانية بس اجيبها من البيت واكتبها لكم من الالف الى الياء



وشكراً كوثري على الموضوع لان موضوع وايد مهم

[الامورة شجن]

سلام الله عليكم ورحمته وبركاته


جيييييييييييييييييييت اليكم اليوم أقدم اليكم طريقة تقسيم الراتب على حسب طريقتي انا وزوجي طبعا هذه بعد عناء طوووووووووووووووووووووووووووووووووووويل من المحاولاااااااات للحد من الافلاس

[الامورة شجن]

احنا راتبنا أنا وزوجي 807 دينار طبعا بعد خصم التامين من الشغل

طريقة التقسيم:
القروض :للتخلص منها لانها سبب معاناه الجميع

تسهيلات البحرين : 105 دينار وإن شاء الله قريب بنخلص منها وبتصير زياده في المدخرات (باقي علينا شهر بس وانخلص ونفتك)
قسط البنك : 78 دينار
النت والتليفون لانه يعتبر ديون : 70 دينار
أقساط الدراسة انا وأهو: 300 دينار وهذه بعد بنخلص منها قريب إن شاء الله (بعد هذه باقي علينا شهرين ونفتك )
مستلزمات البيت : 40 دينار
مصروف يدنا انا وهو 50 دينار
نشتري أشياء لنا ملابس وهالشغلات ومستلزمات الشقة : 100
بينا وبين ربنا : 10 دينار
في البنك : 54 دينار

وبجذي انحط الينا مبلغ حتى لو كان بسيط في البنك بس مرة على مرة يتجمع ويسوي المبلغ خبر

وملاحظة: ترى الصدقة ليها مفعول قوي لانها تبارك في الفلوس وتبارك في رزق الواحد وتوسع رزقه يعني الصدقات ضرورة مهمه وتقدرون اتحطون أي مبلغ مو شرط وايد ولا اشوي على الاستطاعه وتقدرون اتسووون حصالة اتحطون فيها خرده وكل يوم جمعه اتوزعونها صدقه على الفقراء والمساكين بعد صلاة الجمعه وربي يبارك لنا ولكم إن شاء الله

[نور الحياه]

مشكورة اختي على الموضوع ذائيه واجد حليو شي طبيعي البيت يحتاج الى مواد غذائيه ويحتاج الى دفع فاتورة الكهربه والماء والنت وغي مصروف البترول الين بعد السيار تشفط بترول يعني الواحد بدوخ وياه وثانشي في البعض البعض يكثرون من مشتريات الملابس الي ما ليه داعي وكثرة الطلعات والمطاعم والسينما هذا ياثر على الميزانيه وخصوصا الاكل برة البيت اجيب المرض