طلب : حرز او دعاء اقراه فانا لست مرتاحه في بيتي

[العيون الساهره]

السلام عليكم ورحمة الله وبركاتهبيتي دائما في ضيقة خلق وعيالي دائما يتهاوشون لاتفه
الاسباب وزوجي ايضا عصبي ودائم الصراخ والعصبيه
وانا بعض المرات تصيبني حالة خوف ماادري ليش
الله يخليكم ابي حرز مجرب لبيتي ولعيالي الله يعافيكانا
انا شاكه بحماتي حطت شي لنا اي عمل
بجاه ضلع الزهراء وبجاه ابيها وبعلها وبنيها
انكم تعطوني حرز او دعاء اقراه فانا ليس مرتاحه فبيتي
فيه شي مو مريح ودائما احلم احلام مزعجه

[حجآزية]

بسْم اللهِ الرحمنِ الرحيمْ
السلامْ عليكم ورحمة الله وبركآته ..
كيف حآلك اختي العزيزة
أختي / العين والسد والسحر هي امور حقيقيه
لكن الانسآن مو كل شي يكون ضده يفسره انه سحر آو حسدْ
وبعدين سوء الظن مآينفع , مستحيل عمة تضر اولآد اخوها ؟ واطفال بعد؟
انتِ صلي عل النبي اول شي
ثآنيْ شي / أقدر اعرف ايشْ تستخدمي في البيت او معنى هل فيه ذكر معين تستخدميه؟ او حرز معين تستخدميه؟
لإن اشوفك اتقولي اعطوني حرز !!
معقوله اي احد عطيك حرز بتكتبينه وتحطينه ؟!
مهمآ كآنت ثقتك بالنآس كبيره لاتخلين هالثقه تضر اولادك وعيلتك
زوجك ممك يكون معصب من اشياء داخليه بقلبه جربتي تهديه تتعاملي بالحسن والطيب معآه تتنازلين شوي ْ لان لرجآل يمشي بالكلمه الحلوةْ
وأكيد زوجك ضآيج من وضع البيت لانه بيرتآح والاطفال مسويين ازعآجْ
أنصحك بأشياء ان شاء الله تفيدكْ
** حآولي تغيرين روتين البيت كوني شخصيه مع اولآدك ححق يسمعون الكلمه منك ويكونوا هآدين ، خآصة وقت رجوع زوجك من العمل
** استقبلي زوجك بابتسامه وكلام حلو حق يحس ان في احد ينتظر رجعته ويحبه وخلي الجو هآدي وبعدي الاشياء الي يكرهها وتعصبه عنه وبيكون هآدي إن شاء الله
** حآوليْ تكررين ورد ( ياودود) 2000 مره يوميآ ( مجرب شخصياُ)
** حآوليْ تشغلين سورة البقره بالبيت او تقرينها بالبيت في الصاله بصوت مسموع لدفع اذى الجن والانس العين والحسد
** حاولي تبخرين بيتك قبل الغروب بنص سآعه يوميه او حتى كل 3 ايام مره بلبان ذكر مقري عليه المعوذات وآيه الكرسي ماعدا الايام الي اتكوني يها معذورة بعذر شرعي
( واتمنى بين كل فتره وفتره تغيرين من روتينك شوي مع زوجك واطفالك حق تتغير نفسيتهم )
موفقه حبيبتي
اختك
حجوزة

[الحان السماء]

السلام عليكم ..
هلا عزيزتي ..
ماشاء الله الاخت حجازيه كفت ووفت ,, عوافي عليك
كمان زياده على كلام حجازيه عزيزتي عندك في كتاب مفاتيح الجنان
دعاء قاموس السيفي الصغير طيب جدا في تنقية المنزل من الحسد ,,جربيه بينفعك
اي بعد اللبان كويس جدا لازم تبخري بيتك فيه
ولاتسيئي الضن بأحد "ان بعض الضن اثم "
وبالتوفيق عزيزتي نتمنى لك حياه ملئها السعده والامان
دعواتك