حلى الخمس طبقات

[محبة النوراء]

يسعدلي آيامكم بكل خير يارب
.
جبت لكم حلى سهل ولذيذ
.



.



المقادير مع الطريقة:
الطبقة الاولى:
اول شي نجيب صينية بايركس وسط ونصف فيها طبقتين بسكويت شاهي مغمس في الحليب


الطبقة الثانية:
نحط بالخلاط
(قشطة وحدة +1كيس كريم كراميل+1كيس دريم ويب+2 جالكسي بالكراميل+1مارس كبير)
ونخلطها زين ونصبه فوق البسكويت وندخله الثلاجة لحد مايتماسك يعني نص ساعة

الطبقة الثالثة:
نأخذ كيك سويسرول بالفانيليا ونقطعه حلقات ونصفه فوق الطبقة الثانية

الطبقة الرابعة:
نحط بقدر على النار
(قشطة+ملعقتين كبار تشوكليت او كاكاو+فنجالين سكر)
بس شوي لحد مايتجانسوا
ثم نصبه على طبقة الكيك ونوزعه زين على كل الطبقة وندخله الثلاجة مرة ثانية شوي بعد


الطبقة الخامسة والأخيرة:
نأخذ (اعلبة حليب ابوقوس العادي+2كيس دريم ويب) وبالخلاط شوي
ثم نصبه على الطبقة الرابعة وتزينينه باللي تحبين انا بشرت رينغو فوقه
ودخليه الثلاجة وكلما طول صار احسن
.


.
وبـ العافيه على قلوبكم

[زهرة الياسمين]

شكله حلووو

الله يعطيك العافية

تحياتي

[أحلآ قمر]

السلام عليكم ورحمة الله وبركاته
يمييي يممييي
لازم اجربه
ضروري اصلا أجربه وخاصة شهر رمضان عالابواب
ومحتاجين هالحلويات ^^

يعطيكـ العافيه

[عاشقة أهل البيت ع]

السلام عليكم ورحمة الله وبركاته يآه شكل الحلى بيجنن ربي يسلمك ولا يحرمنا جديدك في حفظ الله

[محبة النوراء]

[تفاحة الجنان]

اللهم صل على محمد وآل محمد
ما شاء الله روعه
تسلم ايدك
وربي يعطيك العافيه

[براءةْ فآطمةُ الزهرآءْ]

مشكوووووور والله يعطيك الف عافيه

تسلم اياديك حلوووووووووو من شكله

دمتم بخير