ليلة عرس .. خخخخخخخخخ

[جنة المشتاق]

هناك عادات وتقاليد قديمة ليس لها أصل في ديننا الإسلامي، منها أن الزوج لا يحق له أن يخلو بزوجته إلا بعد العرس وليس بعد عقد القران،

مكالمة بين حسن وعنود

- عنود ترى آنا مليت من هالوضع الخايس اللي حطني فيه أبوچ.
- اشوي اشوي على نفسك.. كلها أيام وفترة تنتهي.
- أنا ما صدقت أملج عليچ، بعد هالقصة الحب الطويلة والعريضة، ألقى أخوچ صاير لي مثل العاذل اللي قاعد بوسطنا.
- حسن، أنت تدري أن أبوي هذا شرطه، وما يرضى نقعد مع بعض إلا بعد العرس، ما عليه تحمل هالوضع هذا عشاني.
- يعني لازم عرس وطقطقة وخرابيط عشان أقدر أقعد معاچ ابروحنا، أصلا انتي صرتي في عصمتي، وزوجتي وحلالي من يوم ملجت عليچ، ومو باط چبدي إلا أخوچ نايف هالزبوط النقعة اللي طول صبعي ومخرب علينا الجو، إذا قعدنا مع بعض قعد بينا، وإذا طلعنا مع بعض طلع معانا، وكلما حاولت أصرفه أو أشلعه يعاند، ويسوي نفسه ريال عليّ آآخ يالقهر.
- لاحق على القعدة معاي صدقني لاحق، بس انت لا تقهر نفسك.
- آنا مرتفع ضغطي وانتي ترفعينه أكثر في برودچ، آنا أبي حل حق هالسالفة، يعني انتي يرضيچ جذيه أطالعچ من بعيد لبعيد، ولا حتى أقدر اتكلم معاچ براحة، ومن الحين أقول لچ إذا بيرتز أخوچ بينا مثل كل مرة، ماراح اتشوفيني إلا في يوم العرس، أحسن من تلف الأعصاب وحرقة الدم.
- حرام عليك اللي اتسويه فيني، آنا ما بيدي شي أغيره، إذا ما تبيني قول، خل كل واحد يروح في حال سبيله دام ان احنا في البداية اهئ اهئ اهئ.
حسن مع عنود وأخيها
- السلام عليكم.. اشلونچ عنود؟
- يا هلا حسن.. أنا الحمد لله بخير.
- احم احم ، شخبارك نايف، ولهت عليك وايد!
- زين، بخير الحمد لله.
- امممم.. نايف أنا عطشان، ممكن تروح اتييب لي قلاص ماي بارد.
- اتييب لك عنود، مو اهي بتصير زوجتك؟
- اهي زوجتي أصلا.
- خلاص عنود، روحي ييبي لزوجچ ماي بارد.
- خلاص.. قعدي، مابي ماي.. أوووف.
- اشفيك؟
- ما فيني شي، بس بسألك أنت مستانس انك قاعد معانا؟ ليش ما تروح حق ربعك وتلعب معاهم أحسن لك من هالملاقة؟
- ماقدر، أبوي قايل لي اقعد معاكم ليما يصير العرس.
- اممم ما تبي تشتري شي من راعي البرد؟ أسمع صوته عند بابكم.
- لا.. ما أقدر أخليكم بروحكم، أبوي يهاوشني.
- شوف، أنت أول تأكد إذا كان راعي البرد موجود، وآنا أحط بالي على أختك لا تخاف.
- صج؟
- إي.. صج، هاك دينار وروح وقّّف راعي البرد، احتمال وصل لآخر الشارع الحقه، واشتر لنا ولك برد من ذوقك الحلو.
- انزين.. بس لا اتقول حق ابوي اني خليتكم مع بعض ابروحكم.
- لا.. أفا اعتمد!
- عنود.. تعالي بسرعة يمي.
- ها؟.. وإذا رجع بدون لا نحس فيه وشافنا قاعدين يم بعض واحنا..؟
- خل يشوف، يعني احنا امسوين جريمة، لا اتيننيني انتي بعد!
- يعني ما..
- ابسرعة قربي، والا ترى آنا اللي بـ..
- حسن.. ترى ما لقيت راعي البرد.
- انت ييت؟.. ما قول إلا مالت عليك وعلى أختك وياك.
- ليش الغلط؟
- نايف، اشرايك يوم عرسنا تقعد معانا في غرفتنا، وتشاركنا مراسم الاحتفال؟
- صج؟.. إي ميخالف.. وناااسة.
- عنووود
- نعم.
- آنا ماشي.
- ليش؟
- بعد ليش؟ واشحقه أقعد وأضيع وقتي؟ آنا أقول حافظي علي، واتمسكي فيني، لا أهج منچ بسبة أخوچ وأبوچ، آآخ يا راسي ضغطي ارتفع!


في يوم العرس:

- حسن.. وأخيرا صرت آنا وياك الحين بدار وحدة، قولي اشبتسوي بهالليلة؟
- آنا؟
- إي انت.
- اللي بسويه بهالليلة، بقعد أفتش في الكبتات والأدراج وتحت السرير وفوق الثريات وبكل جزء من هالغرفة، إذا كان أخوچ وإلا كاميرات أبوچ اتراقبنا ابهالمكان اهئ اهئ اهئ.

[محبة لاهل البيت]

هاهههههههههههه
هذا موعرس هذا بلا
مشكوره عمري

[جنة المشتاق]

المشاركة الأصلية كتبت بواسطة محبة لاهل البيت

هاهههههههههههه
هذا موعرس هذا بلا
مشكوره عمري

هلا عزيزتي
اي والله بلاء موعرس خخخخخخخخ
شكرا عالمرور .. موفقة >_*

[**( نور رقيه )**]

السلام عليكم ورحمة الله وبركاته

ههههههههههههه يامسكين كسر خاطري لهل عريس

عاشت الايادي حبيبتي ع الموضوع القيم باركه الله بيج يالغاليه

لكِ مني جـــــــــــل التحيه والاحترام الفاطمي

[جنة المشتاق]

المشاركة الأصلية كتبت بواسطة **( نور رقيه )**

السلام عليكم ورحمة الله وبركاته

ههههههههههههه يامسكين كسر خاطري لهل عريس

عاشت الايادي حبيبتي ع الموضوع القيم باركه الله بيج يالغاليه

لكِ مني جـــــــــــل التحيه والاحترام الفاطمي

اهلا نور رقية نورت الصفحة بمرورج عزيزتي يسلموا
موفقة >_*

[أم يوسف]

يعطيج العافيه ع الموضوع
مسكيييييين هالمعرس عور قلبي صارت فيه عقدة نفسيه

[جنة المشتاق]

المشاركة الأصلية كتبت بواسطة أم يوسف

يعطيج العافيه ع الموضوع
مسكيييييين هالمعرس عور قلبي صارت فيه عقدة نفسيه

تكفين مو بس عقدة نفسية .. هههههههههه
أنا احس انه قام يشك حتى بروحه خخخخخخخخ
يسلموا عالمرور موفقة >_*

[سلسبيل]

والله امور عنود احسن مني انا رايت ززوجي بالعقد مرة وبالعرس الحمد لله في موبايلات والا كان رحت مااعرف عنه شي انا خطوبتي وزواجي طول عشرة ايام فقط حتى اثاث البيت هو اختار طلب مني اختار غرفة النوم معاه ابي لم يوافق قال هو يعمل اللي يريد ومنعني من الكلام معاه ولم ياتي للبيت سوى مرة بالعقد واذا يريد شي يذهب للوالد ويتفاهم معاه وليلة العرس قام يعلمني على اغراض البيت والاثاث على ترتيبه هو لان تزوجنا في البيت

[جنة المشتاق]

المشاركة الأصلية كتبت بواسطة سلسبيل

والله امور عنود احسن مني انا رايت ززوجي بالعقد مرة وبالعرس الحمد لله في موبايلات والا كان رحت مااعرف عنه شي انا خطوبتي وزواجي طول عشرة ايام فقط حتى اثاث البيت هو اختار طلب مني اختار غرفة النوم معاه ابي لم يوافق قال هو يعمل اللي يريد ومنعني من الكلام معاه ولم ياتي للبيت سوى مرة بالعقد واذا يريد شي يذهب للوالد ويتفاهم معاه وليلة العرس قام يعلمني على اغراض البيت والاثاث على ترتيبه هو لان تزوجنا في البيت

الله يعينج اشلون تصرفتي .. الله يستر .. أنا مومهم عندي اشوفه بس عالأقل اسمع صوته وعرف اشلون يفكر عشان اقدر اتصرف بعدين .. الحمدالله على كل حال
يسلموا عالمرور
موفقة >_*

[ام شبر]

ههههههههههه

مسكين مرعوب من اهلها

وهذه القصة تتكرر دائما والى الان في مجتمعاتنا

مشكورة حبيبتي

جزاك الله خيرا