دليل روضات وحاظنات البحرين

[عنوني]

السلام عليكم خواتي الأمهات

طبعا بننتي عمرها سنتين

فأبي اسوي ريسرج عن الروضات ويا ريت تساعدوني عن اي روضه تحسونها زينه وتخلونها اهنيه بصراحه ما اعرف وله روضه يمكن اشوف الأسماء بس ما اعرف اي شي عنهم

وخصوصا انه بنتي عمرها سنتين يعني بعد سنه وابي ادخلها

فلي عندها خبرها تشاركنه في المعلومات

وارجو من المشرفات تثبيت المووضوع عشان يكور مرجع نستفيد منه

[عنوني]

ما شاء الله 7 مشاهدات وله مشاركه

إن شاء الله ببدي البحث واخلي لكم المعلومات وإن شاء الله افيد واستفيد بعد من خبراتكم يله شاركونه وبالذات إلي وودو عيالهم روضات

[نور فاطمة]

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ

يعطيك العافية أختي على طرح الموضوع ..
أن شاء الله الأمهات يساعدونش و كل وحدة أتقول خبرتها عن أحسن روضة ,,,
و أني حالياً ما أفكر أودي فطوم الروضة من وقت ,,,
أحس أحسن وقت مرحلة التمهيدي ..
الطفل يمل كل يوم يقوم من الصبح و خصوصاً أذا كان الجو بارد ..
و كل وحدة أتقول رأيها في أي مرحلة أحسن الطفل يذهب للروضة ..

[عنوني]

مشكور اختي نور فاطمه

نورتي الصفحه

واني بعد للين ما اودي بنتي يبي لي بعد سنه

بس متحيره وين اوديها وما ابي اي مكان يعني اخاف عليها وشكلي بخليها في البيت

وحطيت في بالي ادور من الحين وافيد واستفيد

واقول عشان تقضي وقت تغير فيه جو وتستانس وتتعلم بعد

[نوراء]

أشكرك على الموضوع
اني صراحة اودي اولادي من سن ثلاث سنوات ما جربت الا روضة أنوار الغدير اشوفها واجد ممتازة أفضل يأخذون السنة الاولى في الروضة لان واجد متعبين ولدي الاول ما ودتيه الا وهو اربع سنوات (مستوى ثاني ) درسته اني في البيت واجد تعبت معاه

[دمعة رقية]

موضوع جدا رائع
اني عبادي عمرة سنتين و7 شهور وبسجلة حق حضانة هالنسة ان شاء الله
اني كنت بودية الجاية
بس لانة عبادي عنده مشكلة في الكلام للحين مايكون جمل
يعني مجرد يقول كلمات
وقالت لي الدكتروة يبي لة اطفال يكون وياهم
واحسن مكان الحضانة
علشان جدي بسجلة هالكورس
اني بصراحة محنارة وحدة مدحت لي عن روضة علاء الدين
وتشجعت اكثر لما عرفت انها شيعية
بس ماادري عندهم بعد يدرسون الجهال عن المناسبات الدينية اذا كان وفاة او مولد
والي تعرف حضانات رووضا زينة في مدينة عيسى تخبرنا

[أم فاتي زيزي]

ضموني معااااااااكم انا بنوتاتي بيكملون قريب سنتين ونص وابي حضانة او روضة تكون ممتازة وتهتم بالتعليم مب بس اللعب

[ام الساده77]

هذا السؤال المحير الذي تواجه دائما الامهات ,اني عندي ولد عمره الان اربع سنوات وديته روضه الامام الرضا (ع) في بوري واحس انها ممتازه وكل مناسبه سواء وفاه احد الائمه او ميلادهم يسون فعاليه يا مولد او عزاء ,وعندي ولد عمره الان سنتين ونص يعني السنه الجايه يكون تمهيدي احتمال اخليه واقوم بتدريسه اني لاني احسه بعد ه صغير وبيتملل بعدين .

[عنوني]

المشاركة الأصلية كتبت بواسطة ام الساده77

هذا السؤال المحير الذي تواجه دائما الامهات ,اني عندي ولد عمره الان اربع سنوات وديته روضه الامام الرضا (ع) في بوري واحس انها ممتازه وكل مناسبه سواء وفاه احد الائمه او ميلادهم يسون فعاليه يا مولد او عزاء ,وعندي ولد عمره الان سنتين ونص يعني السنه الجايه يكون تمهيدي احتمال اخليه واقوم بتدريسه اني لاني احسه بعد ه صغير وبيتملل بعدين .

اي خيو ساعات افكر جديه واقول بخليها معاي إذا ما شتغلت بس اقول الأحسن تروح عشان تتعرف على يهال وتصير شويه مبلتعه خخخخخ يعني مو انظوائيه وتلعب وجديه على الرغم من اني من الحين ادرسها وتعرف اشياء وايد بس الكتابه خب للحين لانها صغيره

بس ارقام تعرف وحروف حتى بالإنجليزي اسماء تعرف يعني وخصوصا اني لمه اعلمها مو اقعد وياها لا مثلا واني اطبخ اعلمها وله واني وياها في االسياره جذيه واحس تاخذ معلومات اكثر لو اني قاعده وياها وتعالي تعلمي وتعالي قولي هذا شنو وهذا شنو

[عنوني]

السلام عليكم رجعت لكم من بعد غيار

طبعا إلي سألت عن روضه علاء الدين ،، إي سمعت عنه انهااااااااااا وايد زينه لانه اختي ودت بنتها فيها لانه الأولى ودتها المعالي الخاصه بعدين الثانيه ودتها هذي الروضه وتقول بعد انها زينه

عن نفسي ابي في ستره واقول ابي اوديها النور بس متحيره دخلت على السايت مالهم ما ستفدت منه شي الصراحه وله حتى الفيز حقهم وإلي تعرف تقول واني بسوي بحث وبخليه


وكلش كلش الروضات إلي في ستره إلي قالو انها زينه


السراج + البتول

وفي غيرهم

القمر والصادق وبعد وحده نسيتها بس ما ادري عنهم زين

وإلي تعرف بعد روضات في ستره وضواحيها تخبرني

وطبعا للحين ما رسيت على بر