O!~ طفــل يقــول مــاما أبي هـَـمّ ~!o

[البسمات الفاطميه]

O!~ طفــل يقــول مــاما أبي هـَـمّ ~!o

O!~ طفــل يقــول مــاما أبي هـَـمّ ~!o

O!~ طفــل يجوع يقــول مــاما أبي هـَـمّ ~!o

مايدري أن الهَمْ ماتت به أرواح ...

[طفل صغير] لا يحب ولا يهتم ..
ولايبكي .. ولايندم على الي راح ..


[طفل صغير] مادرس.. أو ..تعلم ..
وماتعلم كيف أحبابه يبادلونه جراح ..


[طفل صغير] ماعرف أبجديات الكلام ..
وماعرف طعم الألم .. وريحة الكذب لافاح ..


مادرى عن دنيا تصدم من ضحك .. أو .. تبسم
مادرى عن عالم يفقد طعم الإنشراح ..


وأنا كيف أشرح لطفل كم بيتجرع الألم ..؟
كم بيعايش من معاناة أليمه ماتباح ..!

كيف أشرح له شعور شخص [سجين] متهم ..
عايش هم أطفال وهم اطلاق السراح ..

كيف أشرح له شعور [ الفقير ] وحاله عدم ..
غارق بهم الديون وهم طفله اذا صاح ..


كيف أشرح له شعور واحساس [ الأطرم ] ..
يبغى يشرح أويقول وكل مشاعره ماتباح ..!

كيف أشرح له شعور واحد من .[ الصم ].

يشوف من حوله يتشاور وماسمع الإقتراح

كيف أشرح له شعور شخص [ مقعد ] وماتم ..
عايش تحت رحمة عاش مكسور الجناح ..


كيف أشرح له شعور [ اليتيم ] لاأب ولاأم ..
تايه وسط الحياه بين هم وبين كفاح ..

كيف أشرح له شعور من [ فقد ] خال وعم ..
وعايش وسط ذكرى وذكريات ماتزاح ..


كيف أشرح له معاناة تشرب من أحبابك سم ..
ويخطون ويجرحون ويجون يطلبونك سماح ..!!

كيف أشرح له شعور [ تحب ]شخص وتعرف أنك له "رقم "!!
واهو بالنسبه إليك "عمرك الي جاء والي راح "..!


كيف أشرح شعور [ لابكيت ]الدمع دم ..
تبكي أنت طول يومك ليلك وحتى الصباح ..


كيف أشرح له [ ألم ] تحب شخص محترم ..
ثم تسميه "دنيتك" ويسميك "هم وينزاح" .!!


وكيف من يكتم حبه ويسكت ومايتكلم !..
لين يرحل من يحبه ويبقى خياله له أشباح..


كيف أشرح له ألم مايساويه أي ألم ..
تجلس معه وتحبه وتدري انه بيترك الدنيا ويرتاح ..


تدري انه ساعة زمن ثم يروح ويترك لك ذاك الندم ..
ليه أحبه ؟ وأجالسه؟ وهو مات واستراح ..


كيف أشرح له شعور شخص [ ميت ] ومغرم ..
وتاركه ذاك المحب وهاجر عنه وراح..


يــارب يعجبكــــــــــــــم ،، ولاتحرمونــــــــــي من تقييمكـــم لانه دعم لي