[من مطبخي] حلى الآيسكريم

[أمل الغد]

السلام عليكم ورحمة الله وبركاته

كيفيكم حبايب قلبي ..؟

اليوم جايبه لكم حلى يمي خطييير

ترى كلكم معزومين عليه

شسمه مدري شنو بقول ..

آآي دقيقة تتحمل الصورة علشان نعذبكم قبل ما أنزل مقادير الحلى

وصلت العروس

هع هآآ عسى عيبتكم .,

مقادير الحلى ..

1 . مقادير الطبقة الأولى :

1بسكويت الشاي الحجم الكبير مقطع قطع صغار (غير مطحون)
نص علبة حليب مركز
2 ظرف دريم ويب
2 قشطه
ملعقة كبيره كاكاو الغامق ( المر )

طريقة عمل الطبقة الأولى :

نضع البسكويت المقطع في صينية بايركس , ونضع باقي المكونات في الخلاط الكأس
ونصب الخلطه على البسكويت ونحاول نخلطها مع البسكويت علشان يتشربه شوي وندخلها الفريز نص ساعه ..

مقادير الطبقة الثانية :

علبة قشطه كبيره أو 2 علب صغار ويفضل كي دي دي
2 ظرف دريم ويب
2 ملعقه حليب بودره
كأس ماء بارد جدا جدا يفضل يكون من الفريز

طريقة العمل :
نخلط النواشف أول , ونبدأ نضيف الماء شوي شوي ( الكأس الكبير نستخدم الماء .., بس مانحطه كله )
نخرج الصينيه من الفريز ونضع الخليط فوق الطبقه الأولى .. ثم نرجعها بالفريز حتى تتجمد الطبقة ..

مقادير الطبقة الثالثة :

شكولاته ( هذا براحتكم )
أنا استخدمة 3 حبات جالكسي مع علبة ونص قشطة و ربع زبدة ..
( هذا الطبقة أنتوا أحرار في صنعها يعني اذا تبقون تستخدمون النسكويك أو اي نوع من الشكولاته براحتكم يعني لا تتقيدون بالجالكسي )

طريقة العمل :

نذوب الزبدة على النار ثم نضع ألواح الجالكسي لين تذوب
وبعدين نضع القشطة ونخلطها بسرعه حتى تمتزج مع بعض
ثم نضعها فوق الطبقة الثانية للحلى
وبعدها خليها بالفريز لمدة يوم كامل علشان تتجمد صح ويصير طعمها يمي مثل الايسكريم
وبس بالعافية عليكم