دعوة صباحية.. هههههههههه

[جنة المشتاق]

هذا استفتاء سوته جريدة انجليزية عن الزوجات غير العاملات وكيفية الطريقة اللي تودّع فيها الزوجة زوجها وهو رايح الدوام كل يوم، وهناك أغلبهم يودعون أزواجهم بقبلة..

أما الحريم عندنا بالديرة وطبعا أقصد فيهم ربات البيوت اللي مو راضين للحين يصرفون لهم شي.. مو الموظفات اللي يطلعون قبل بعولتهم لتوصيل الأولاد للمدارس والبعل يشخر نايم.. فخلكم معاي نشوف طرق التوديع الصباحي بديرتنا:


الأولى قالت: من يطلع زوجي من باب الصالة أطالع السما وارفع ايدي أدعي ربي وأقول يا رب رجعه لي سالم وبسرعة.

أما الثانية فقالت: أنا أودع زوجي بقلبي وأقول يا رب احفظه لأنه زوج مثالي وأب ما يتعوض لأطفالي.. صج له عراة بس ميخالف أحبه.

أما الثالثة فقالت: أقول يا رب إلى متى تخليه في هذه الشغلة اللي معاشها ما يكفينا لنص الشهر؟ ليش يا رب ما ترزقه من رزقك وتخليه يرتاح باجي عمره أو تعرفه على واسطة تخليه يقعد بالبيت ومعاشه يمشي حاله حال بعض الناس؟

أما الرابعة فقالت: بصراحة اسرح أفكر هل راح يرجع لي مرة ثانية أو تشيله إسعاف البلدية مثل ما شالت زوج جارتي المسكين طول عمره ملتزم بقانون المرور ويربط الحزام حتى لو يضايق كرشه، بس كل من هب ودب عطوه أجازة لما تودر وراح من جيس أهله المسكين واللي دعمه ليما الحين يسوق.. يا رب خله يرجع لي سالم او جاسم ما يهم.

والخامسة قالت: أطالع الساعة اللي بيدي «ترى ماركة» وأنا ارفعها ادعي أقول يا رب متى تصير الساعة 12 الظهر واشرف زوجي بسرعة؟ «لأن زوجها يزرق من الدوام كل يوم بحجة اليهال».. ويمر علي يأخذني نتغدى بمطعم!

والسادسة قالت: من يطلع ارجع للشقة بسرعة وأنظف شقتي وأروح المطبخ وأسوي الغدا بسرعة عشان الحق على جارتي أم علي بشاي الضحى والحش، وبالمرة أشوف البضاعة اللي جايبتها أم حسن من البحرين قبل لا يأخذون الزين ويخلون لي الشين.

و السابعة تقول: أنا أراقب زوجي وهو يبتعد بسيارته الكشخة، وأقول يا ترى هو مازال يحبني ولا يجاملني بعد ما انترس راسي بالشيب، طل حتى الحنة والصبغ هالايام ما تصبغ بعد بهالبلد الغش صار بكل شي ولنا الله.

أما الثامنة فقالت: أنا ما أودع أخليه يزحر الشاي اللي تسويه الخادمة وأظل نايمة وإذا صحيت أقول يا رب ينعزم بمكان عشان لا يرجع وينكد علي بحنته لأنه من النوع اللي ما يعجبه العجب.

التاسعة قالت: أول ما يطلع أحط الجريدة على الكرسي فما أحس انه بره البيت كلش!

والعاشرة: أطالع السما وأقول ليش يا ربي أعطيتني هالزوج وفي الملايين اللي أحسن منه ادري قسمتي مالت علي.

أما الأخيرة فقالت: احذف وراه سبع صخرات صك الخمسين وليما الحين يظن انه صغير يلوحق بالبنات وتلفونه مليان أرقام آسيويات، والمصيبة يخانق عياله يقول لهم صلوا وهو ما يدل المسجد؟
كااااااااااااااااااااااااااااااااااااااااااااااااا اك >_*