حال الزهراء عليها السلام يوم الاربعين
أجت يبجي دمعهه \\ وجابت هم ضلعهه
بياحاله الزجيَّـــه \\ لفت للغاضريه \\ أتريد تزور أبنهه
طلعت من كّبرهه \\ للخطوه تجرهه \\ تنوح ينوح ظنهه
أتعاين راس عالي \\ يرد للجسد تالي \\ نارأيشّب حزنهه
للجثَّه جفاهـــــــه \\ رد اليوم أجاهه \\ يواســيهه بمحنهه
أدير العين حسره ** حزن يسجب العبره
سمعت زينب تنوح \\ ياخويه يمذبوح \\ من اليســــر ردّيت
تراقب حــــال بتهه \\ بياحالـــه لفتهه \\ماظل والــــــي لابيت
أتحــن أبجيهــــه \\ للحادي أو وليهه \\ تنـــــادي عسه لاجيت
حاجيني يمظلوم \\ شرب الماي محروم \\ يحسين ألي أشخلّيت
شبكت كّبر لحسين ** عالخد تصب نارين
سارت بين لكبور \\ أتريد الكمر والنور \\ ودَّور جفوفه
ينهرسكيته ياماي \\عله جرفك جان وفّاي \\ مشتاكّ عله شوفه
ليساره ويمناه \\ وفاهن منو ينساه \\ مارادت تعوفه
سبيَّه خذوهه كوَّه \\ الماعدهم مروَّه \\ تعرف بظروفه
جفوفه عدهه أمانه ** ماعرفت خيانه
من خطوة جدمهه \\ أمهه أتحس بألمهه\\ كّصدت علي الاكبر
ليله تلطم الراس \\ يَمَّه شهكت أنفاس \\ بعد ياحَيــــل يكّـــــدر
رمله أدَّوّر شموع \\ الخيمة عرس مفجوع \\ وينه خلَّي يحضر
يوليــدي وحيدي \\ حنَّـــه الدمه أيـــدي \\ بالسيوف موذَّر
لمَّت كل جرحهه ** بنوح وبجي يَمهه
أم حسين راحت \\ بدمعت عين فاحت \\ وتأن من ضلعهه
من أرض المدينه \\ مثبوره حزينــــــه \\ ماينشف دمعهــــه
أتكّلَّـــه يُمَّه يحسين \\ دمَّك وفَّــــه للديَن \\ للدنيَــــــــه فجعهه
جفوف الساقي عندي \\ يوم الحشر ودّي \\ وفاهن ماأضيعَه
بالمحشر أوافيه ** جناح الله يجازيه
يرضيعي يمهظوم \\ بنحر السهم مفطوم \\ رحت وراح محسن
بجّاني وبجه الباب \\ وبجه صدر أمَّك رباب \\ وباقي حضنك أيون
رحت بعمر الورود \\ الحليبـك بعد متعود \\ مكانك يمِّي أمِّن
بهل اليوم أربعينه \\ أنوحن وَي ونينه \\ كّلبي باقي ويحن
الطف قصته عجيبه ** مرَّت جم مصيبه