نزولا عند رغبه الاخوات في موضوع شنو كليتي اليوم بنزل صوره باستتي السهله
مكوناتها بسيطه وسهله بس بشرط تكون عندكم هالصلصتيين وانا شريتهم من جيان البحرين بس اكيد متوفرين بالكويت الله يخلي مركز سلطان ماخلى على قلوبنا قاصر
المقادير
الصلصات اللي فوق واهم عباره عن كريمه مشروم و 4 جيز
كريمه كي دي دي او اي نوع تحبينه
باستا تاقلياتي او اي نوع تحبينه
ملح وفلفل اسود
شيش طاووق امريكانا مشوي او مقلي ونسحبه
بروكلي مطبوخ ومشروم طازج احلى شي والمعلب مافيه فايده ولا طعم
نسلق الباستا بس مانخليها تنضي وايد عشان ماتتشرب الصوص ونغسلها بماي بارد ونخليها
ناخذ جدر ونحط زيت زيتون ونقط المشروم والبروكلي وقطع الدياي والفلفل الاسود وبعدها نقط عليهم الباستا ونصب شويه كريما و بعدين ثلاث ارباع العلبه كريمه مشروم و تقريبا قفشتين او ثلاث فور جيز وماكثر منها لان طعمها لاذع
وملحوها بمزاجكم ورغبتكم وخلوها شوي تثقل وتتجانس وهني وعافيه عليكم
سهله بس لذيذه وتنفع للسهاريه لاصكج اليوع
وهذا شكلها بعد ماستوت
__________________
منقول