اليوم جبتلكم طريقة اللازانيا .. والي هيه نوع من المعكرونه على شكل شرائح...
اول شي نخلي علنار قيمه الي تفضلوها..(اني استخدمت لحم مثروم وبصل وثوم وكرفس وقليل فلفل اخضر وعادي
ملح وبهار ومن ينحمسون نضيف معجون وطماطه ووراها ماي الى ان تصير صلصه ثخينه )
وحضرت نفس الوقت البشاميل (ملعقتين طحين نحمسهم بملعقتين زيت او زبد ونضيف كوبين حليب سائل وملح وفلفل
كمون)
ابدي العمل بلبايركس... طبقه بشاميل وراها طبقه معكرونةوراها الصلصةالحمره... وهكذا... وبين الطبقات اي نوع
جبن مبروش.. اني افضل گرافت.. نوصل للوجه الاغلبيه يفضلو بس بشاميل وجبن... اني خلطت البشاميل مع الصلصه
الحمره وخليت عليهم جبن.. حلوه تصير برتقاليه..
ندخلهم الفرن بلبدايه نفتح الجوه... وبعدين النار الفوگ حته تتحمص..
(ممکن تبديل الحشوه باي شي انتو تفضلو... فطر.. دجاج.. خضروات... واطيب باضافة مكعبات ماجي)
(ويفضل سلق اللازانيا نص سلق قبل الاستخدام اسهل بلتحضير والاستواء)
والف عافيه