[أم الجـــــود]

اللهم صل على محمد وال محمد



زينــب والمصايب تؤأم اثنين

وياهه الحزن متحزم احزام


عيون اثنين عدهه وشالت الخوف

ولا ضاكت كره ولا لذة احلام


منهن عين ضلت دمعة لحــــــــسـيــن

وعين بخوف ضلت ترعة الايتام


وصدك ما اصدك عــــافج حســيــن

ووحدج ما اضن رحتي للشام


ميت ولحسين عيوونة ترعاج

فوك على الرمح ماتقبل اتنام


ومثل امــــــــــــــج صغيرة وشلتي الهموم

وتجرعتي قصص وشكثر الآم


وعفة لكلبج تحمل كثر ضيم

ومثل كور على راسج حزن الاياام


من عد الاعوام تشيب الناس

وانتي بمحنتج شيبتي الاعوام


ومر جان الاسر يازيــنــب عليج

وكل عام اليمر ينعد بالف عام


وصح انتي مرة بس جنتي خيال

وشباه الرجال كبالج اقزام


ويظل اســمج حقيقة بعين السنين

وتلاشت كل امية وصارت اوهام


بيج جروح حمرة تفزز الليل

شما مر الزمن مااضنه تلتام


الج دور انتي كمل ثوورة حســين

ولولاج انتي مدالثورة مادام


دور حسين دمة و روة الطفووف

وواضح جان دورج دور الاعلاام


صواعق في خطبتج حمم سجيل

ومنهه جم قناع الطاح ولثام


ومو صمصام شلتي بحضرة يزيد

صووتج جان ينعد بالف صمصام


واذا اصنام طاحت كبل بالســيف

لسانج صار سـيـف وطيح اصنــامــ








بطاقة عزاء مجلس المنتظرون







هدية لأصحاب المواقع والحسينيات

عظم الله لك الاجر يا رسول الله
عظم الله لك الاجر يا مولاي يا امير المؤمنين

عظم الله لك الاجر يا مولاتي يا فاطمة الزهراء
عظم الله لك الاجر يا ايها الحسن الزكي
عظم الله لك الاجر يا سيدي الشهداء
عظم الله لك الاجر يا قمر بني هاشم
يا كفيل الحوراء
عظم الله لكم الاجر سادتي يا اولياء الله واحبائه

عظم الله لك الاجر يا مولاي يا صاحب الزمان

عظم الله لكم الاجر يا شيعة امير المؤمنين