المقادير :
دجاجه مقطعة 8 قطع او اربعة قطع
2 حبه بصل مقطع اربع قطع
لومي 3 حبات صحيحة
مكعبين ماجي
بهارات رشة كمون . رشة فلفل اسود . كركم ملعقة كبيرة وشوية اكثر لازم انكثر بالكركم حتة تصير مرق الدجاج اصفر
ملح حسب الرغبة
ماء حسب الرغبة ويكون مغلي
زيت
بالقدر عالنار نخلي زيت والبصل ونذب الدجاج لومي والبهارات
نقبق الجدر ونخلي على نار هادئه حوالي عشردقائق مع التقليب
وبعدها نضيف الماء
نخلي على نار قوية لحد ما ينضج الدجاج . وبعدها نضيف الملح نبقي شوية عالنار بعد ما استوه انطفي النار وانطلع الدجاج انحمصة شوية بالزيت
نقطع الخبز ونخلي بالمثرد او الطاسة مال التشريب بالعراق عدنا انسمي مثرد
نصب مرق الدجاج على الخبز وانشف الزايد وانخلي فوقة الدجاج امحمصينه
وهذا شكله
عدنا هذا الطبق يقدم كطبق رئيسي للضيف واني البارحة سويتة لوالد زوجي بالعشة لان ماياكل اله تشريب
وعليكم بألف عافيه