[مسك وعنبر]

مشكورة عزيزتي يقين على هذا الموضوع والفكرة الجميلة

أنا ولله الحمد عيال على أسماء المعصومين صلوات الله عليهم

ودائما اقص عليهم قصصهم صلوات الله عليهم

وفي كلمة دايما أقولها حق عيالي إذا سووا غلط واااااااااااايد تأثرون فيها:

إذا غلط واحد فيهم سواء قال لفظ مو زين أو طقوا بعض أقول حق كل واحد : إنت إسمك حسين يعني على إسم الإمام الحسين (ع) وتسوي جذي؟ ، ما يصير .
إنت لازم تأخذ من أخلاق الإمام الحسين (ع).

أشوف إن الواحد منهم وواااايد يتأثر ويقول لي ماما ثاني مرة ما راح أسوي جذي، زين ماما تعالى قولي قصة الإمام الحسين (ع).

عاد أنا إذا في مجال أقول لهم قصة الإمام الحسين (ع) وإذا ما في مجال أشغل لهم دي في دي (طف) جنه إسمه جذي - الفلم الكرتوني اللي يتكلم عن قصة الإمام الحسين (ع) -
نسيت إسمه لأن اليهال يسمونه فلم الإمام الحسين (ع).

عاد لما يشوفنه يتأثرون حييييل ....

وأختهم الصغيرة إسمها فاطمة الزهراء أحيانا تطفرهم ويطقونها : بعد ما أهدي الوضع أقول لهم وأفهمهم إن هذي إسمها فاطمة الزهراء يعني على إسم السيدة فاطمة الزهراء سلام الله عليها
يعني ما يصير أحد يطقها وأن أئمة أهل البيت صلوات الله عليهم قالوا في رواياتهم بما معناه (لا تلطموا خدها).
وهذي المعلومة معلمينها لكل أطفال العايلة أن كل واحدة إسمها فاطمة لا تضرب ....

والله يعينا على تربيتهم ليكونوا من أنصار الإمام الحجة المنتظر صلوات الله عليه ومن خدمة أهل البيت صلوات الله عليهم.

وآآآسفة على الإطالة.