[منار الزهراء]

ألآباء يأخذون أكثر ممايعطون!!!!!!!!!!
عزيزتي نور ياريت تجيبين لنا أمثلة عن ألآباء يأخذون أكثر ممايعطون
يعني أذا ألأبن كبر وصار عنده وظيفة وساعد والده في مصروف البيت هل هذا يعني
انه الاب أخذ حقه مثلا ماديآ شكثر صرف عليه الاب حتى وصله لمرحلة الموظف خلي نكول 26 سنة يصرف عليه اذا حسبناهة ماديآ ألأبن راح يكدر يسدد هذه المصاريف 6 سنوات أذا كنت منصفة مع الابن لان حاليآ بمجرد صار عنده وظيفة قرر يتزوج ويطلع في بيت مستقل حتى يبقى راتبه بس أله ولزوجته وهذا لمسناه بالواقع يعني الأب ماأخذ منه شئ
والبنت أذا كبرت وساعدت والدتها في بعض أعمال المنزل حتى تريح أمها شوي يعني أخذت أكثر مما أعطت زين تكدر توفي سهر الليالي خلي تتمرض البنت أو الابن حتى لو كبار شوفي ألأم شيصير بحالها تبقى نايمة بجانبهم خاف يحتاجون شئ بدون مايطلبون منها
لكن هي من تتمرض حتى لو تضغط على نفسها ماتكلف واحد وتكعده من نومه حتى يجيبلها كاس ماء تشرب
حبيبتي لاتعممين القضية أذا شفتي كم نموذج من ألامهات غير معطاءة
يعني آني شنو اللي أخذته مني أمي من أولد وتخليني نايمة في الليل وهي تنوم طفلي وتسويلة الممة وهي تصارع النعاس حتى آني أبقى نايمة وهذا حفيدها مو أبنها وأضافة لشغل النهار والضيوف تلكيهة بليل تسهر على أبني موعلي
يعني أذا تاخذ روحي أكدر ماأجازيهة
آني شفت نموذج معاكس أم تطالب أبنائها بحق رباهة وتريد منهم يوفون وهي لاتهتم للي يبات خارج البيت وتعير بيهم ربيتكم وربيتكم عبالك بس هي ربت وتعبت
ولا للبنت البعيدة عنها ولاللأحفاد مايهمها غير نفسها
وأجي أنظر لأمي أكول الحمد لله الله أنطاني مثل هذه ألأم أكدر أقيس كل ألأمهات على ألام المطالبة بحق ألأمومة
وألأب أيضآ له دور في القضية لكن صدقيني أذا أكو أم حنينة هي تحنن الاب على أبناءه حتى لو كان عنده صعوبة وتحنن الابناء مع بعضهم
أدري طولت بالكلام لكن كلام أم محمد هيجني وبكاني