السلام عليكم
اجت روحي أعله جنح الطير ..يم يحسين ولهانه
اجت للحضرة من بعيد...تشم عطور شريانه
احتضنته وتلم ضلوع....من الجور عطشانه
شافت دونهن ضلعين...مختلفات حزنانه
وبيهن عاينت مسمار...و من الباب دخانه
عرفت هذن للزهراء...حين الطاحن هنانه
و شافت دمعه بيها دموم....من السطرة نيشانه
لطمت روحي صاحت آه...و قلبي تاه عنوانه
حيرة تحيرت يا صوب...دربي و ترد لمكانه
ظلت عنده بس تحوم ....طير انكسر جنحانه
تبع ممشاها عقلي و راح....شظلي خلافهم آنه
هيج أنه بلايه حسين...وردة بشوق ذبلانة
للشاعر سيد صلاح الخرسان