[منار الزهراء]

مشكورة أم حدور على هذا الموضوع شوية خلنطلع من الروتين

1- اوصف لنا طفولتك؟
والله من فتحت عيني وكمت أوعى ماعرف غير منصورة يابغداد وصور من المعركة وأيها الشعب العراقي العظيم جاءنا توآ مايلي
حتى من جان يطلع المذيع مقداد أبوبيان البيانات آني صغيرة وأكول لاهلة شكو
والله صارت عندي عقدة من الطفولة من أثر الحروب الى الان ماكدر أنساهة

2-هل تتمنى أن تعود طفلًا؟ ولماذا؟
لايابة أشفت من طفولتي حتى اتمنى أرجع

3-هل كنت طفلًا مدللًا؟
أي كنت مدللة من ابوي فقط ومن اخوالي وخالتي كانو كلش يحبوني ومازالو وألى أن استشهد خالي رحمه الله ويدلعني باسم الطفولة وابنائي كبار

4-هل مررت بصعوبات خلال فترة طفولتك؟
طبعآ اكثر أطفال العراق مروا بصعوبات وحرمان بحكم المعيشة اللي كانوا يعيشونها وانا من ضمنهم

5-هل كنت طفلًا هادئًا أم خجولًا أم مشاغبًا؟
طبعأ كنت هادئا لان ياويلة من الوالد اللي يصير مشاغب يعني غصب موطبع هههههه

6-اذكر لنا حادثًا مر بك خلال طفولتك ولم تنساه للآن
كنت صغيرة واركض على حائط صغير وسقطت وتعورت رجلي كانت عمتي موجودة عندنا كمت أبجي جان تكلي يلاا عمة تكبرين وتنسين والى الان ماناسية

7-أين كنت تقضي معظم وقتك؟
بالبيت وبالعطل اقضيها يم بيت جدي لان مدللة خوالي

8-لعبتك المفضلة؟
التوكي جنت اشبع كتل منها لان أخطط بالحوش

9-هل كنت طفلًا اجتماعيا أم إنطوائي ولا تحب اللعب والمخالطة؟
كنت أجتماعية وكل اقاربي يسألون عني حتى من كبرت وتزوجت وبعدت

10-لديك أصحاب من الطفولة ؟ وهل بقيت معهم أم باعدتكم الأقدار؟
عندي صديقتين كنت كلش أحبهم من عمر3 سنوات لكن للأسف شاءت ألأقدار ثنينهم تزوجوا وهابية وأنا تزوجت بفضل الله موالي لاهل البيت

11-هل كنت تحب أفلام الكارتون ؟ وما هو كارتونك المفضل؟
كنت مدمنة افلام كارتون وكارتوني المفضل جورجي وأوسكار وساندي بيل

12-كيف كانت علاقتك بإخوانك وأخواتك؟
كنت حنينة عليهم لكن هم مشاغبين وياي ويسولي مشاكل

13-ما هو أصعب موقف حدث لك في طفولتك ولم تستطع نسيانه؟
من تسجلت بالاول ابتدائي مدرستنا بعيدة وكان زوج عمتي يوديني للمدرسة لان ابوي كان عسكري كان دوامي ظهري في اول اسبوع وانا كلتلهم صبحي دخلت المدرسة وشفت وجوه غير الكانو معي ظليت ابكي طلعت من المدرسة وصلت للكراج كنت اندله صعدت بالتاكس اليي تروح لبيت جدي موبيت أهلي
وظليت أبكي لان خايفة لاأضيع من حركت السيارة شفت الناس تنطي اجرة السيارة واني مستغربة ليش الناس تنطي فلوسهة فدفعت كروتي جيران بيت جدي بعد ماسألتني وهدأتني ووصلتني لبيت جدي هذا موقف عمري ماأنساه

14-هل هناك إنسان معين غرت منه في طفولتك..ولماذا؟
بنت عمي كانت بنفس عمري لان كانت تلبس أحلى مني خالتهة بالخليج بعد وأبوهة وظيفته زينة

15-صف لنا موقفك أول يوم دخولك للمدرسة
كنت خايفة لان كنت أخاف من الاولاد وكانت المدارس سابقآ مختلطة

16-شيء كنت تتمناه بطفولتك ولم تحصل عليه؟
أسوق بايسكل

17-حلم الطفولة ما هو؟ وهل حققته؟
أشتري لعابة تحجي وتمشي لاماحققته

18-ما هي الكلمات التي كنت ترددها في طفولتك؟
(ساندي بيل ترت )حتى من كبرت وأشوفها اردد هذه الكلمة

19-هل كنت مطيع لوالديك؟
جدآ ولله الحمد والى الان ومايطيعهم الا الموفق
هاشلونها طفولتي ام حيدر
هسة أريد دموع وآهات الزهراء تحجيلنة عن طفولتهة