كلمات مؤثرة جدا
بين الزهراء وولدها المظلوم الحسن المجتبى عليهم السلام
عن گبرك و عن گبري خليها ناري بصدري
يبني الحسن مظلوم من ضلعي المهشوم خليها ناري بصدري
ـــــــــــــــــــــــــــــــــــــــــ
دليلك يا الحسن مجروح آنه ادري
من يوم الشفت بسماري بصدري
شكثر شايل دليلك يا بعد عمري
مالومك شفت هم سطرتي وعصري
من لامك الله يلومه شفت أمك المظلومه
ادري اشكثر مهموم من ضلعي المهشوم خليها ناري بصدري
ــــــــــــــــــــــــــــــــــــــــــــــــــ ـــ
الله يلوم كلمن يا الحسن لامك
طفل و الطغمه كسرت ضلعي جدامك
و أدري الوكزه بيه زادت آلامك
بسبب كل هذا يبني امكدّره ايامك
والهسه جمرة روحك مستعره بيها اجروحك
تزيد المحن كل يوم من ضلعي المهشوم خليها ناري بصدري
ـــــــــــــــــــــــــــــــــــــــ
ظلاماتك چـثيره وأصعب الحاضر
مهدوم الـگبر و يهيج الناظر
و الحسرات يبني بـگـلب كل زاير
يـگول الله ، وين الـگبر و الحاير
ذاك الـگبر والحضره ضاع اويه گبر الزهره
ظل گبرك المهدوم من ضلعي المهشوم خليها ناري بصدري
ــــــــــــــــــــــــــــــــــــــــــ
اليزورك يبني أنظر حيره بعيونه
متلهف يجيك و روحه محزونه
لـَوَن گـال السلام اعليك ايمنعونه
و لو هلت دمعته الـگوم ايكفرونه
بس بالإشاره ايزورك و انته اللي ظاهر دورك
حقـّك وسف مهظوم من ضلعي المهشوم خليها ناري بصدري
ــــــــــــــــــــــــــــــــــــــــــ
عليك اتسلم الزوار خلف السور
و كلمن يبني گلبه بالصدر مكسور
واليجرحني گبرك بس تحفه صخور
يحتار الذي يبني يجيك ايزور
زوارك و زواري ما تدري عن آثاري
دلالك المالوم من ضلعي المهشوم خليها ناري بصدري
ــــــــــــــــــــــــــــــــــــــ
واليجرح گـلب كل وافد أيـگصدك
بعيد ايشوف گبرك عن گبر جدّك
ما كفه الزلم من گطـّعوا چبدك
مظلوم انته من مهدك إلى لحدك
مو كافي هدموا گبرك زادوا مواجع صدرك
كل هذا يا مسموم من ضلعي المهشوم خليها ناري بصدري
ـــــــــــــــــــــــــــــــــــــــ
بعد مو كافي سمّك و الـچبد معطوب
سهم الماضي عوّد بالحقد هالنوب
تصوّب نعشك و هسه الـگلب مصيوب
هسه الناس تحـچـي اعليك بالمـگلوب
حـچـي الجهل والغفله عوّد يزيد العله
ما رحمتك هالـگوم من ضلعي المهشوم خليها ناري بصدري
يتبع
,,
,,
,