رد: موسوعة اللطميات المكتوبه ...
ا
جينا ننشد كربلاء
جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها
يسروها و لا لها واحد فزع .. شال حادي ضعونها بساع و قطع
جينا ننشد وين أبو فاضل وقع.. ما تدلونا الشريعة وينها
*** *** ***
بس أشوفه و العتب مني يزول .. و أدري ابو فاضل على النخوة يجود
عذرة حقه يقول مـقطوع الزنود .. حال ملـك الموت بين بينه و بينها
جينا ننشد كربلاء عليها العتب .. نـقول هاي رجال و تدور الغلب
حرمة زينب بأيش مطلوبه بذنب .. فوق قتل حسين و مسلبينها
أرد انشدك كربلاء عن النزيل .. شلون ضعن الحرم شال بلا دليل
كان قلتيلي يعاونه العليل .. بالمرض مشدوه وينه و وينها
أرد انشدك هم صدق بالشام عيد .. و حطو بطشت الذهب راس الشهيد
و من نشد زينب بديوانه يزيد .. جاعده لو واجفة مخلينها
جينا ننشد عالعليل من انولة .. فوق ظعف المرض هلبلوى ابتلى
ليش ما غاصت بأهلها كربلاء .. من قطع بالسيف راس حسينها
جينا ننشد كربلاء و زين العباد .. الروس شالوها و بـقت بس الأجساد
شلون جسمك سيدي من المرض بات .. ما حصل واحد حضى بتكفينها
جينا ننشد كربلاء عن العيال .. شلون قلي بلا ولي هلضعن شال
شخلو السبعين من غير الاطفال .. مذبحة ويلي ولا مسجينها
جينا ننشد كربلاء و الدمع زاد .. بيه أمية قضت بحسين المراد
كربلاء عليها بكت سبع الشداد .. وين شيعتها شسبب ناسينها
جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها
*****************************
__________________
لاتقل عرفت الحسين فأحببته
بل قل كان حبا في دمي منذ ولادتي ففطنته
لاتقل عند شرب الماء بسم الله وتكتفي
بل قل بسم الله أبتدىء وبذكر الحسين أرتوي
لاتقل إذا أحسست بالغربة (أنا غريب)
بل قل ما أوحش غربة ذاك الحبيب
لاتقل لطفلك عندما يكون عطشان( أشرب حبيبي)
بل قل لاتشرب حبيبي حتى تسلم على الرضيع الحسيني
لاتقل لأبنتك في سن التكليف( تحشمي)
بل قل اقتربي بنيتي أعطيك نبذة عن الحجاب الزينبي
لاتقل عند المرض (ماهذا البلاء)
بل قل السلام عليك أيها العليل الصابر
رغم عظم البلاء
لاتقل عندما تكون جائعا( أين الطعام وتأكله)
بل قل السلام على من مزج دمعه بأكله
|