خاض الماي بس هيس ابرده
ترس كفه يروي عطش كبده
تذكر لن أخوه حسين وحده
ذب الماي من كفه وتحسر
هذا الماي يجري ابطون حيات
وذوقه قبل كبد حسين هيهات
أظن طفله يا ويلي من العطش مات
وأظن موتي قرب والعمر قصر
اشلون أشرب وخويه حسين عطشان
وسكنه والحرم وأطفال رضعان
وأظن قلب العليل التهب نيران
يا ريت الماي بعده لا حلا او مر
همته بس يوصل الماي لحسين
لا قامن ولا قعدن الكفين
همه أطفال موتى بالصواوين
عطاشى قلوبهم تلهب من الحر