[أم الجـــــود]

انت ثاري وثار الله ياأمامي
انت ثاري وثار الله ياأمامي

اگول انا اعشگت نهج الامامه
تشب من كل كتر نار الملامه
صحت كل واحد ودينه وغرامه
وانا سبط النبي ديني وغرامي
يعشگون الغوالي اعلى النوايب
يبيعون الهني الحب والمواهب
عليهم محد يلوم ويعاتب
اريد الماسمع يسمع كلامي
اريد الماسمع يسمع كلامي

أنـــــت ثــــــاري
انت ثاري وثار الله ياأمامي
انت ثاري وثار الله ياأمامي


ارفعت صوتي وصحت ياعلة الكون
يضل گلبي الك يحسين مرهون
ضميري انت والمهجة والعيون
وانت مبدأي وانت ختامي
انا عبدك صرت والملك انت
غرامك شرف وبأعماقي صنته
كريات الدم اليجري مزجته
يمن جسمك هوى اعلى الغبره دامي
يمن جسمك هوى اعلى الغبره دامي

أنـــــت ثــــــاري
انت ثاري وثار الله ياأمامي
انت ثاري وثار الله ياأمامي


سليل الهادي مني ومنك يريد
يجدد بيعته كلمة التوحيد
الگلب وي الگلب والأيد بالأيد
أحامي عنك وعني تحامي
طريق الوحده يتحقق املنا
نوالي إللي بذل دمه لأجلنه
نفيس العمر من اجله بذلنه
يضل بيت الوحي عالي وسامي
يضل بيت الوحي عالي وسامي


أنـــــت ثــــــاري
انت ثاري وثار الله ياأمامي
انت ثاري وثار الله ياأمامي













يتبع