صحت يوليدي يالاكبر.. يمن وجهك كَمر يزهر.. اذا عني غبت يبني .. اعيشن لحظه ما اكَدر
ينور العين يوليدي ... بعد عيناك مو بيدي
اعيشن لحظه ما اكَدر
علي يبني .. و أمل ماضي سنيني البيـك جنت احلم
صرت إنــته .. وحلم عمري .. وي طلة هلالك تم
اشوفك يا .. علي ارتاح .. لجروحي صرت بلسم
ينور العين .. ماضنيت .. اشوفك عالثره امخذم
بوريدك كَطعوا اوريدي ... بعد عيناك مو بيدي ... اعيشن لحظه ما اكَدر
يماي العين .. عيني جف .. دمعهه وبالصدر ونه
ودلّالي .. يَدلّالي .. تِكَـــف نبضاته يتمــّنه
حال امك .. يبعد امك .. اذا ما ناشدت عنه
شجره و فركَتك منشار .. بغصاني يحد سنه
علي يا ماي يرويني ... تعال وليدي وسكَيني ... بحنانك يبني داويني ... يبعد امك لتتعذر
اكَل للفاجعه زيدي ... بعد عيناك مو بيدي ... اعيشن لحظه ما اكَدر
اصد يبني .. لَــوجهِ احسين .. اشوفن ثغره الباسم
و يطمِنّـــي .. لأن مِنـّه .. اعرفك يالولد سالم
لاجن راحت البسمه .. من صد ليك ابن غانم
وشفت احسين يوليدي لهـروش الكَلُب لازم
دعيت الله بكَلب جمره ... يرب سَهِّل علي امره ... وإلي ردّكْ إلي ابنصره ... عِدت حملة علي حيدر
رجعتك ياعلي عيدي ... بعد عيناك مو بيدي .. اعيشن لحظه ما اكدر
إنغمه اعليّه .. يمنوايه .. لمـّن خـُلـصتِ الدعوه
وصِحيتِ امن السهه ولنّك يبني بحضني ياسلوه
شفت نورك .. علي يبني .. لخيام الحرم ضوه
يه شِبْهِ المصطفه بكل شي غيره و مرحمه و نخوه
شكرت الباري وضنوني .. تضل يا شمعة اعيوني .. بطبرتك تالي فجعوني .. شفت كل جسمك موذر
صحت يرويحتي بيدي ... بعد عيناك مو بيدي ... اعيشن لحظه ما اكَدر
حلم عمري .. و أمل روحي .. انهدمن من شفت دمك
ودمع عيني .. و صده ونيني .. ضلن يا علي يمك
ضاعن يا علي ضاعن سنين اربايه وآنه امك
ماصدك يبعد الروح كَبر ابكربله ضمك
تِمَنّيت آنه مذبوحه .. وعلى التربان مطروحه .. فديتك كَلبي و جروحه .. يماي اعيوني يَمشَكّــَر
يكَاع بعسكرج ميدي ... بعد عيناك يوليدي ... اعيشن لحظه ما اكَدر
يتبع