[منار الزهراء]

بارك الله فيك أختي الغالية جارة الجوادين
كنت أتمنى أن يثير أحد موضوع خاص بوضع العراق لان جرح العراق يوم عن يوم يكبر
ودايتمزق من كل الجهات
ماأريد أخوض بالحديث السياسي وأقول هناك أيدي خبيثة ولئيمة
هي اللي تسبب هذا الحزن حتى نظل حايرين بأحزانه مانتطور مثل ماعمل بينة الملعون
المقبور
خلة كل عراقي يسافر للخارج يتعجب بأبسط التقنيا ت لان هو وأسيادة يعرفون العراقي من يكون ذهنه صافي ومرتاح شيسوي وشيخترع والعقلية الموجوده عنده ماموجودة عند الكثيرين
وأذكر مرة في برنامج من سيربح المليون كان احد المتسابقين عراقي وبعد ان جاوب على اكثر الأسئلة كلة المذيع اللبناني (احنة نخاف منكم العراقيين لان أذكياء )
وهسة اذا تبحثين تلكين اكثر الكفاءات بأشهر المستشفيات بأوروبا عراقيين يعني رب العالمين بلانة بالطواغيت حتى لاتظهر كفاءتهم ابلدهم...
وماأتصور بيت بالعراق مايخلو من حزن .امابفقداخ ..اوقريب ..او جار ..او صديق ..او معتقل
أو مسافر خارج العراق بسبب تهديدووووووو......... أذا أعدد يرادلي منتدى
ومثل ماقالت احد الاخوات احنة الفرحة ماتدومنة
صحيح كمنة من نضحك أو نفرخ نكول يارب تدوم هالفرحة او يارب ضحكة خير
لكن رغم هذه المآسي هناك حكمة الهية لان هذه الظروف كلهة علمتنة الصبر وعلمتنة كل محنة نمر بيهة نذكر الامام الحسين واللي صار بيه وبعيالة لان كل مأتم عزاء نقيمة لاحبابنا نذكر فيه الحسين
وكل شاب ماشاف العرس نذكر القاسم وكل فاقدة الولد تذكر عبدالله الرضيع والاكبر
واهم شئ هو نتوج هذه الاحزان بنصرة الامام الحجة المنتظر عجل الله فرجه وتلك هي الفرحة الكبرى
واخيرآ عذرآ للأطالة وعذرأ للاخوات العربيا ت خاف مايفهمن بعض كلامي لان تكلمت باللهجة العراقية الدارجة