[أم حسين]

موضوع رائع " أم فاتي زيزي " وراح نستفيد منه كثير ..

و كان في بالي أمس لمّا قريت كلام " الحوراء الأنسية " إنه إذا صار تجمع من الأمهات لا بأس به إنا نسوي حملة للتخلص من الحفاظ .. فلكِ جزيل الشكر ..

الحوراء الأنسية ..

طريقتج حلوووة في تعليم بنتج الحمام .. و خصوصاً بالطرق التشجيعية اللي ذكرتيها اللي تحفز الطفل و تشجعه على إنجاز المطلوب منه ..

انشاء الله تعدي معاها هذه المرحلة بنجاح .. بس ما قلتي لنا كم عمر البنوتة ؟؟

بالنسبة لي .. ابني عمره سنة و نص ..

من كمل سنة و كم شهر لاحظت إنه لمّا يبي يخّرج يجي يقول لي لو يجيب لي حفاظة حتى ابدله ..

يعني احس إنه يتحكم في مسألة الخروج ..

بس التبول احس للحين مع إنه اذا ادخل الحمام حتى ابدله من اشيل الحفاظة ـ تكرمون ـ يقعد و يتبول ..

و إذا طول و ما سوى اقول ليه فيك لو ما فيك يهز راسه و يقول لي ما في .. و أمس اشوفه جايب لي حفاظة اقول ليه سويت وووع يقول لي بووول ..

و كل مرة اقول ببدي معاه و انشغل بس الحين قلت خلاص لازم ابتدي معاه و البارحة ابتديت اول خطوة رحت اشتري ليه النونية بس ما حصلت مثل اللي ابيها ..

ابيها تكون مثل الكرسي . مثل هذي



وين ممكن احصل مثلها ؟؟ اذا احد شاف مثلها يخبرني ..

و في انتظار بقية الأمهاات ...