اقتباس:
المشاركة الأصلية كتبت بواسطة جنـات
السلام عليكم ,,,
شلونج عمري ,,, عفية بالسباعية جاوبتي على كل الاسئلة
هسة اجة دور الـ cappuccino
وما نننسى وياه
مدا يجي اببالي اسألة  وفكرت هواية فقررت اسأل سألة بعيدة عن المنتدى  بكثير
بما انو انتي ببلاد غربة وبدولة عاداتها غير وثقافة غير واحنا من مجتمع محافظ وثقافة ملتزمة هل تواجهين صعوبة بهذا الخصوص؟
وانتي ان شاء الله والحمد لله محافظة على منهجج واتابعج لاهل البيت سلام الله عليهم هم تشوفين اكو حياد عن الطريق من قبل الوافدين من بلادنا العربية ؟
وشنو رايج الطريق الصحيح او نصيحتج للفتاة المقبلة للزواج بالخارج ؟
واذا صعبة شوي غلسي عليها  |
وعليكم السلام ورحمة الله وبركاته
الله ايسلمك ياالغالية
قولي الله ايعينج على التحقيق
هههههههههه
مشكورة يعمري على الكبجينو والحلو
كلج ذوق ولبيت طلبي بسرعة
والله ما تقصرين حياتي
والان اسألي وانا بالخدمة
بما انو انتي ببلاد غربة وبدولة عاداتها غير وثقافة غير واحنا من مجتمع محافظ وثقافة ملتزمة هل تواجهين صعوبة بهذا الخصوص؟
اااااااااااه يا جنات
والله طحتي عالعلة اللي تقطع قلبي
انشاء الله ما يبلي احد بالغربة
والله الغربة صعبة وخصوص بالغرب اللي عاداتهم وتقاليدهم كلها تختلف عنا
واللي يقطع القلب ليس هم وانما العرب المسلمين الملتزمين الي يسمون
اسمهم على اهل البيت ويعتبرون انفسهم شيعة لهم
مع كل الاسف الملتزم هنا يواجه صعوبة شديدة
الصعوبة التي نواجهها والمشكلة ليس من الغربيين وانما من الناس اللي منك وبيك
]وانتي ان شاء الله والحمد لله محافظة على منهجج واتابعج لاهل البيت سلام الله عليهم هم تشوفين اكو حياد عن الطريق من قبل الوافدين من بلادنا العربية ؟
اوه اغلب الي يجون هنا يحيدون عن جادة الصواب ويتطبعون بطباع الغرب ويتلبسون
بلباسهم وعاداتهم ويعتبرون التدين والالتزام هنا من التخلف وعدم الثقافة
ما ادري ليش ما يفكرون هل ان الغرب اذا جاءوا الى بلادنا يتطبعون بطبعنا لا والله لانهم يحترمون
عاداتهم وتقاليدهم ويحترمون عادات وتقاليد الغير ايضا
بينما جماعتنا
يعتبرون الملتزم ليس مثقف يعني الثقافة عدهم هو نزع الحجاب والشرب والسكر والملاهي
وتربية الكلاب وهذا واقع جاي نشوفه بعيونه وليس مجرد كلام
مع كل الاسف والله والاسف الشديد
تشوفين اللي همه شيعة ومو فقط شيعة وانما سادة اولاد رسول الله
بله مسألة الحجاب خليها على كتر هذا بعد صار من التخلف المرأة تلبس مثل ما يلبسون
والرجل والاولاد سكر وعربدة والبنات سايبات
وتخاطبني بهذا اللسان
انت يمتى تملين من العباية وتذبيها
قلت انا ما امل ولا اذبها
قالت عيني انت مو عايشه بالعراق انت بأوروبا
قلت يعني واذا بأوروبا كلمن يجي الى اوروبا ينزع دينه
تدرين شترد عليه حتى تبرر موقفها وتصرفها
تقلي ومنو قال هو الدين بالحجاب الدين ما اله علاقة بالحجاب وانتم ليش تربطون الدين بالحجاب
وانهدت عليه
بلا الله عليج مثل هذي شتجاوبينها وهي علوية بت رسول الله
واخرى ثانية شتقول هم سادة اسم الله
تقول زوجي اول ما اجو اهنا زوجي يخلي افلام خلاعية الى اولادي حتى يشاهدوها
قلت ليش ؟؟؟؟تقول زوجي يقول حتى يتعودون على الوضع ومن يشوفون ما يتعجبون
وعلى العلم ان اولادها شباب
ومن هاذي وامثالهم كثير ...تعاي وشوفي عسى عينج لا تشوف هاي النماذج والحجاب يعني اللي متحجبين حدث ولا حرج
والله مسائل تقطع القلب وتدميه
صدقي انا ابد ما اطلع من البيت الا القليل مرات يمر عليه شهر او شهرين
وانا ما خارجة من البيت
شنسوي الحمد لله اللهم ثبتنا على الصراط المستقيم
وشنو رايج الطريق الصحيح او نصيحتج للفتاة المقبلة للزواج بالخارج ؟
شوفي حبيبتي انا جاي اشوف هواي ناس اهنا يقولون ما نزوج اولادنا من بنات
عايشات بالخارج لان الي تربت هنا تصير غير اللي تربت في بلدها
فلذلك يزوجون اولادهم من بنات من بلدهم وانت سامعة اهواي يخطبون ويزوجون
وبعدين ايجيبها اهنا يعيشون
بس صدقي والله بس تجي اهنا تتغير وتصير غير شكل لان تشوف المجتمع العراقي
او العربي بشكل عام انها صاير غير
انا ما اقلج الكل ولكن الاغلبية .......الاغلبية
الا اللهم اللي صدك ملتزمة ومتربية على الدين الصحيح
فأنا اتكلم عن وضع شايفته ومعايشته فنصيحتي الى كل فتاة مسلمة
ان تلتزم بدينها وتقاليدها وتربيتها الي تربت عليها ولا تخلي المياه تجرفها الى ما لا تحتمل عقباه
لان الكثير الكثير كل ما يشفون شئ يقلدونه يعني ما يتبعون كلام الله والرسول والائمة
لا .......يتبعون الناس شنو اتسوي وشنو تلبس وعدهم هاي هي الثقافة وبس
والكلام حول هذا الموضوع طويل جدا ولا يخلص
دوختج بالجواب مو ..........هههههههه بس نشف ريقي
حياج الله يعمري ونورتي يالغالية