[أم محمـد]

وعليكم السلام والرحمة اختي العزيزة

سعيدة جدا بالنقاش وياج وممنونة على جوابك ودعواتك

عزيزتي يمكن قبل ما اصير ام كانت وجهة نظري تختلف ,, ويمكن كل تفكيري كان يختلف ونظرتي للاشياء

ومثل ما ذكرت راح اراقبها كصديقة وانزل لعمرها وما امنعها من شئ بس برقابتي

يعني تريد حاسبة ونت راح اوفرلها بس يكون كدام عيني بالصالة مو كاعدة بغرفتها وما اعرف وين تدخل

وتريد تلفون على راسي بس كدام عيني اعرف منو صديقاتها منو اهلهم شلون اخلاقهم التزامهم الديني

تريد تطلع تسافر تروح مطعم اوديها بس مو وحدها اكون وياها ما احرمها بس اهم شئ مو وحدها

لان يا حبيبتي ما ينفع بس اربي البنت تربية ممتازة واكول خلص صارت مؤهلة تطلع للمجتمع وما تغلط

لان مثل ما راح تنقل اخلاقها الزينة لمجتمعها راح تتأثر باخلاق الناس حولها وعلى ابسط مثال

ان طلعت للمجتمع وتدريجيا تقبلت فكرة الطلعة وحدها او الحجاب الما مضبوط او البنطلون واعتبرت

اهلها ملتزمين زايد ومشددين عليها هنا راح تكون بس بداية ,, ودائما مثال حلو أبالي

ماء حار يم ماء بارد واحد راح ياخذ من الثاني البارد يدفى والحار يبرد

والبنية نفس الشئ راح تنقل وتاخذ من المجتمع فلازم احرص عليها ما تاخذ بس الزين

حتى من تكون مسؤولة عن بيت ما تنطي بس الزين

موفقة حبيبتي وسعيدة جدا بالنقاش بمواضيعك المميزة

نسألكم الدعاء