[تفاحة الجنان]

[ التمر بالويفر ]


|| المقادير ||

★ كوب تمر معجون [ انا احب ازينه في البيت لو ما فيك موجود جاهز ]

★ كوب مكسرات مجروشه ناعم [ اي نوع تحبين
] استخدمت صنوبر ولوز ،
★ كوب بسكويت ويفر مجروش برضو اي نوع تحبين ،

★ نص كوب حليب مكثف محلى [نستله ]

★ نص ليمونه معصوره ،

|| للتغطيه جوز هند + صنوبر ||







من غبائي نسيت اصورهم سوا ،،
وكمان فوتت كذا خطوه اعذروني اول مره انزل طبخات







الويفر استخدمو ايه نوع حتى لو ريكو لوووووول
هالمره ارسلت السواق وقلت جيب اي نوع
جاب هذا اول مره اشوفه بس جميل ،،








||الطريقه ||

ابدا مافيهآ اي تكلف امزجي كل المكونات مع بعض واعجنيهآ
بيدك ،،







من بدايه الشغل انتبهو ما تلبسون القلوفز لان حفله بتصير لكم مع التمر
وخصوصا الأظافر بتنعدم ~

بعد ما تنعجن سوا ،، ابدأي خذي بيدك قطع صغيره و شكليهآ بشكل اسطواني

وعلى طوول حطيهآ بجوز الهند ، لان لو حطيتيهآ على صحن مباشره
التمر لزج وبيتعبك إذا شلتيه [ قبل التشكيل حطيه بالثلاجه لو تبغين بس انا ماعندي وقت ]
احطها بعد ما انتهي منهآ لحد التقديم ~


كذا بيكون شكلهآ النهائي ~










شكلها مرتب مو
انا احب الحلويات الي كذا ابو لقمه تسهل علينآ الأكل كيوت و سهل ~

يآرب تجربونه ويعجبكم وعوافي على قلوبكم ،،