اللهم صلِ على محمد وأل محمد وعجل فرجهم
يا اهلا وسهلا بضيفة الكرسي الغالية
منورة الموضوع ولا مرة رشحتج مع العلم كلش جان عاجبني لان توقعت
كونكم من الادارة يمكن نحرجكم والتواجد يكون مو سهل
هنا جرت العادة على ضيافة الضيفة واني احب اضيفكم من ايدي واتمنى
يجي يوم واضيفكم بايدي بكربلاء
ان شاء الله يرزقنا واياكم العودة والزيارة
تفضلي حبيبتي ضيافتك كليجة عراقية ورا ما طلعت من الفرن كالوا " طعم اصلي"
" طبعا انتِ خبيرة تصوير واني صورتي طلعت عوجة لان ابني يركض وراية على الكاميرا"
هسة بعد الاسئلة
عزيزتي حورية
ذكرتي عندك ولد وبنت الله يحفظهم ويبلغك بيهم وتشوفيهم احسن ناس بالدنيا
كم اعمارهم ؟؟ وكيف تحافظين عليهم بهذا الزمن ؟؟
هل تؤيدين تحديد النسل وتحديد عدد الاولاد؟؟
هل أنتِ مع عمل المرأة ؟؟ وما هي اكثر وظيفة مناسبة لها؟؟
كنت راح اسئلك تسوقين لان ما اعرف ليش توقعتج من البحرين ؟؟
نصيحة توجهيها لام يحيى ؟؟ ونصيحة تساعديني بيها على تربية اطفالي؟؟
ان شاء الله تكون الاسئلة خفيفة وما تضايقج ولج الحق بترك اي سؤال
موفقة دائما لكل خير وان شاء الله مرزوقة سعادة الداريين وحسن العاقبة والثبات على الولاية
نسألكم الدعاء