رد: وداعـــــــــــا لخيـــــــانة الـــزوج
موضوع حلو بس عندي تعليقاتي الخاصة
الكلام الرومانسي كلش حلو ويطي جو مميز وراحة للزوج والزوجة
والطرفين اكيد كلش يرتاحون من يشوفون ان المشاعر مستمرة وما تعبتها مشاكل الحياة
واكيد من اكول لزوجي لو اسمع منه كلمة حلوة (مو شرط رومانسية)ورا يوم متعب راح
يكون طعم اليوم كله غير شكل
بس مو معناه انو الرجال اللي ميكول حجاية حلوة لو الزوجة اللي متعرف كلمات دلع حياتهم تكون
معرضة للخيانة (جان نص العراقيين رجعوا لبيوتهم ورا شهر من الزواج,ترى هاي مو غيبة هاي واقع حال)
بشكل عام هواية رياجيل مشاعرهم قوية وكلش حنين على زوجاتهم بس ما يعرفون يعبرون
او طبيعة التربية للرجل الشرقي بشكل خاص تمنعه يبين مشاعره
واكيد كلامي كله بشكل عام اكيد اكو ازواج رومانسين قولا وفعلا يعني لو خليت قلبت
واما الموضوع كله (وداعا لخيانة الزوج)
احنا دا نتناقش بعقلانية الحمدلله والشكر كل الزوجات اللي بينا ازواجهم معتمدين نهج اهل البيت بحياتهم
تعتقدين هيج زوج ممكن يخون الا اذا تعتبرين الزواج الثاني (وهو حلال وشرع وحق مطلق للزوج خيانه)
احتمالة خيانة الزوج لزوجته نفس احتمالة خيانه الزوجه لزوجها
ما ممكن وحدة فاطمية تعتبر الزهراء قدوتها وتنتظر ظهور امام الزمان وتههئ اولادها يكونون من جنوده
راح تفكر تخون زوجها وتخدعها او حتى تكذب عليه فالعملية لو تنقلب نفس الشئ
وكتلج اذا تعتبرين الزواج الثاني خيانة هذا غير موضوع ونقاشة طويل
بس نكدر نعتبر موضوعج
نقاط لانتعاش الحياة الزوجية
نتذكر بيها الايام الاولى قبل ما يجون الاطفال وتصير الحياة
متمركزة وتدور عليهم
الله يحفظلج زوجج وتبقين تسمعي كلمات حلوة دائما
وان شاء الله مداخلتي تكون لطيفة ومقبولة
__________________
روي عن المعصوم(عليه السلام)"مَنْ أَصْلَحَ مَا بَيْنَهُ وَبَيْنَ اللهِ أَصْلَحَ اللهُ مَابَيْنَهُ وَبَيْنَ النَّاسِ وَمَنْ أَصْلَحَ أَمْرَ آخِرَتِهِ أَصْلَحَ اللهُ لَهُ أَمْرَ دُنْيَاهُ"
التعديل الأخير تم بواسطة مقاومة ; 13-03-2012 الساعة 11:07 AM
|