[حب علي اجنني]

اهلين حبايبي اليوم جايبه لكم صينية خووش شي شغل عدل من تاليفي
مكوناتها بسيطه وموجودة بكل بيت يعني لازم تجربوها

المقادير
بطاطس (حسب الاشخاص) اني سويت حبتين لانو بس اني وزجي
1حبه بصل احمر
1حبه طماط
1حبه فلفل رومي
علبة قشطه
جبن سائل اي نوع تحبيه
مايونيز
شوية ملح ويهار خفيف جدآ

الطريقة
قشري ثم قطعي البطاطس دوائر وخليه يقلي على جنب بالزيت
قطعي كلآ من الطماط والبصل والفليفله قطع صغيييرة وخليها على جنب
افتحي علبة قشطه وضيفي معاها 3او 4 ملااعق جبن سائل و2 ملاعق مايونيز
(تقدري تستغني عن المايونيز براحتك يعني)

سخني الفرن على حراره متوسطه
ادهني صينيه بزيت وصفي البطاطس المقلي فيها بعد ماتملحيها
اضيفي الطماط والبصل والفليفله المملح فوق البطاطس ودخليها الفرن
عشان تتحمر شوي غاية 10 دقائق بعدين طلعيها من الفرن واسكبي عليها خلطة القشطه
ودخليها الفرن على نار هادئه حتى تتحمر من فوق فقط
بعدين قدميها مع الخبز والسلطة
بالهناء والشفاء



انشاءالله عجبتكم طريقتي وسامحوني على اني مانزلت صور انشاءالله المرة الجايه