تشكري " احلى ولاء " على الموضوع اللطيف و الخفيف ..
من قريت الموضوع جى في بالي موقف زوجي اللي كله نذكره رغم انه صاير من كذا سنة .. لأنه عن جد موقف خطيييير 
زوجي من محبي البيض بجميع وصفاته .. و في ليلة جى على باله ياكل بيض مسلوووق .. فقام و خلى كم بيضة على الفرن و كان الوقت متأخر ..
و جى وقت النوووم ووووو نمنا <<<< ما جى في بالي انه نسى البيض عالفرن ..
و الصبح ـ و لأن زوجي ما يحب يخبي أي شي فضح روحه بروحه ـ قصّ عليي ملابسااات الجريمة خخخ
و هي انه لمّا قعد الفجر قبل الآذان اشتم ريحة شي محترررق و على طووول عالمطبخ و كااااان المطبخ في حالة يرثى لها !!!!
و اللي صار إن الماي جف عن البيض و من زود الحرارة تفرق البيض و طار للسقف و الطنجرة يا حرااام ما تحملت بعد و هوووووب على السجااادة و احتررررق السجاد !!!
هذا كله صار و إحنا في سابع نوووومة 
!!!
يعني الله ستر ما احترق المطبخ و رحنا فيها 
بس الغريب عقب هذي القصة دخلت المطبخ و كنت متوقعة اشوفه كاااارثة 
.. بس لقيته آخر نظافة و حتى ريحة شي محترررق ما اشم و ما فيه أي شي يوحي بآثار الجريمة خخخ ..
هني قلت أكيد هذي القصة من تأليفه خخخ ..بس طلع شاطر نظف المكان على الآخر و اخفى أي شي يدل على الجريمة حتى الريحة .. يعني اللي يدخله ما يجي في باله إنه صاير فيه شي ..
بس اللي حيرني وين مكان الحرقة أدور ما لقيت شي إلا طلع خاشنها تحت طاولة الأكل حتى لا ينكشف خخخ ..
و قعد يترجاني لا أقول لأحد <<<< بس إني ما خليت أحد إلا قلت ليه القصة خخخ ..
موقف خطيييير مو ؟؟!!!!