[وردة برحيق الولايه]

اللهم صلِ على محمد و آلِ محمد

(اين انت يا جابر)

يا جابر ما دريت شصار بالطف و نواحيه
وما تدري بخدر زينب راح ومشت مسبيه

يا جابر من دهتنا الخيل .. ريتك حاضر بهالدار
تعين مودعة حيدر .. ما بين اللهيب والنار
من خيمة لعند خيمة .. تلم بأيتامها وتندار
ونوب الليل ترد ردود عليّ ولا عند حالي تعود
وانا بحجري الاجل ممدود
اعالج وانزع بروحي .. البلشدات مبلية ..

ياجابر لا تناشدها .. تصيبك كربلاء بسهام
وتطفي شمعة وجودك .. مثل شمعة عرس جسام
وخوفي يندهش حالك .. تصرخ صرخة الايتام
من جارت عليه القوم مثل زينب تظل تحوم
نوبة تعثر نوبة تقوم
وتتحير بهالوادي .. وتنصب مرمية

ياجابر حن على حالي .. وناشد كربلا وياي
شلها ويالطفل عتبه .. ما تسجيه شربة ماي
جمرة عطش عبدالله ..تشب وتنطفي بحشاي
خوفي بالنحر تنصاب مثل نحر الرضيع صواب
قبل حرملة وهالنشاب ..
ياجابر شفت نشابة .. بدمي الطفل مطلية


ياجابر وارد اسولف لك .. خايف يندهش نوعك
وسهم العلقمي يرميك .. ودم تتفجر دموعك
ويالخياط ضلوع حسين .. خوفي يخيط ضلوعك
بس بالنوح ساعدني ياجابر لا تناشدني
على بويه حسين تضهدني
اجانا المهر وامخضب .. بدم جروح راعيه

ياجابر والدرب كله .. عالناقة جنت مطروح
ثقل القيد ضاهدني .. وما ردني ثجيل النوح
تغيب الروح من جسمي .. والجسمي ترد الروح
ياجابر سلمت امري لله ومدرعض صبري
ومن نوحي انكسر ظهري
ياجابر لو رديت آثر .. شوف ضلوعي محنية

ياجابر من بعد جور الشام .. وسهامه تفقس العين
خايف تنرمي بيها .. وتصبر ما إلك تمكين
تشاهد زينب بديران .. توقف واحنا مقيدين
ولا مسلم إلي يدخلنا ولا واحد من يمله يصد ليزيد ويقله
شفاف الجان يلثمها .. محمد ليش مدمية

قصيدة أمسى المسى والنار للملا عطية الجمري:

أمسى المسى والنارماخلت لنا خيام
صيوان ماظل تلتجي أبظله هليتام
***
اقبل عليه الليل وازدادت الوحشة
ما شوف غيرايتام تصارخ أبدهشة
***
وشيخ العشيرة حسين ماحد شال نعشه
مطروح و بجمبه علي الاكبروجسام
***
عباس عندي البارحة يحوط الصواوين
يأمر وينهى أخوته كلهم مسلحين
***
و الخيل مسروجه وهلها مستعدين
مصغين للصايح ولا منهم جفن نام
***
و حسين من سمع بكا بخيمة دخلها
يسلى الحرمة ويأخذ بصدره طفلها
***
أو باتت خيمنا امطنبه أو تزهر بهلها
اصيوان أخويه حسين حوله اترفوف أعلام
***
و اصبحت وأشبال الهواشم حولي أوقوف
و أمسيت مالي أقناع ا تستر بالكفوف
***
و يتاما اقلوبها طارت من الخوف
وين المعزة أوين ازهوة ديك ليام
***

اصبحت حولي أسباع و أمسيت اصفج الكف
و انظر جنايزهم عرايا عرصة الطف
***
باكر يركبوناالاعادي أجمال عجف
درب طويل أو نبتلي بعدوان الظلام
***
قلها علي السجاد يا عمه شجاني
حالك ونا مقدر أتحرك من مكاني
***
صاحت ينور العين عتبي على زماني
اللي علي الكرارابوها اشلون تنظام

ارجو مشاركاتكم اخواتي الفاطميات
و ماجورات