[ام شبر]

بسم الله الرحمن الرحيم

اللهم صل على محمد وعلى آله

السلام عليكم ورحمة الله وبركاته

نصيحة يلي للمجلس تحضرين

و انتي بالخصوص أختي الي تقرين

المجلس هذا حضرة........و الزهره تحضره

و انتي بالخصوص أختي الي تقرين

****************************

هذا المجلس نحضره نواسي

آل المصطفى بشد المآسي

و نشوف حسين يا هم اليقاسي
و نذكر للسبيه .... قدوتنه الأبيه
ومن نحضر اريدج يختي تدرين
للغيبه ونميمه لا تكولين
و نطلب بيه عبرة ....و الزهرة تحضره

*******************

نطلب عبرة من نجري دمعنه

ونفهم للذي نقرى وسمعنه

مو ألحان بس و دون معنى

اذا فعلا ولائي ....لحني موغنائي
و نذكر بالحشر ذيج الموازين
ما تنفع اهل لو مال و بنين
هناكا شلون حسرة....و الزهرة تحضره

************************

إذا فعلا أنا شيعي وموالي

أقارن وي أهل السوء حالي

و اشوف بيا وضع لازم خصالي

يحتملي ودادي .....وي نفسي جهادي
مو دمعه و فقط نجريها بالعين
و ما ندري القلب لاهي بعدوين
بعقلنه كون فكره....و الزهرة تحضره

************************

إذا و عد الدهر حتم علينه

تشابه بالأمور الي بإيدينه

يجب يحتاط من خاف اعله دينه

و الحان القصيدة ...تفكيري أعيده
و اذا لهل الفسق شبهت تلاحين
يحرم بيها ترديد المنشدين
واضح هذا أمره ....و الزهره تحضرة

خادم أهل البيت سيد صلاح الخرسان 20\11\2011