اقتباس:
المشاركة الأصلية كتبت بواسطة روعة الزهور
السلام عليكم ورحمة الله وبركاته
ماشاء الله اختي يقين الزهراء 2004 شكله مره رووعه بس ياليت تقولين طريقته كأن اللي فوقه بف بستري
ولا يهمك نرجس الزهراء اذا شاركتي بصورك ماراح نبخل احنا عليك
|
وعليكم السلام والرحمة
اتفضلي أختي هذه هي الطريقة ، لا ما استخدمت بف بستري هذا جبن سلايس .
المقادير :
طماطم ثنتين و قطعتهم على شكل مكعبات صغار .
بطاطسه واحدة و قطعتها على شكل مكعبات صغار .
جزرة واحدة قطعتها على شكل مكعبات صغار .
و استخدمت علبة ونصف من الحليب السائل كامل الدسم حجم العلبة الواحدة كأنه واحد لتر .
و استخدمت جبن سلايس و زبدتين .
هذا هو الجبن الي استخدمته
و استخدمت تقريباً 3 أكياس خلطة الباشميل هذا
و استخدمت بازلاء أخضر
و استخدمت قطعتين جبن مثلث لأن كان متوفر عندي بس جبن مثلث فسويت بجبن المثلث تقدرون تستخدمون أي جبن على حسب رغبتكم .
الطريقة :
أولاً : تسلقين المعكرونة في ماء و ملح فقط .
ثانياً : بعدين نأخذ لنا جدر ( الصفريه ) و و انخلي دهن اشوي بعدين انخلي فيه البطاطس و نبدأ نقلي البطاطس .
ثالثاً : بعدين انشيل البطاطس لما يستوي انخليه في الصحن ، و نستخدم الزيت الي قلينا فيه البطاطس و نبدأ نحمس فيه البصل و لما ينحمس اشوي البصل نبدأ نضيف عليه الجزر و الطماطم المكعبات و البازلاء الأخضر و البطاطس الي قلينا نضيفه بعد و نبدأ نحرك في المقادير إلى لين تنحمس و تنضج اشوي و بعدين نضيف عليه معجون الطماطم اشوي مو كثير و نضيف عليه بعدين الماء تقريباً ربع كأس ماء حتى يتسبك .
رابعاً : تأخذين جدر ثاني ( الصفريه ) و اتخلين فيه زبدتين و اخلين معاها اشوي زيت ، فإذا ذابت الزبدة تبدأين تضيفين خلطة الباشميل و تبدأين بعدين بالتحريك ، بعدين تضيفين لها الحليب السائل اشوي اشوي بس حاسبي مو تضيفين الحليب مرة وحده لأن احنا نبغي تكون خلطة الباشميل مو سائلة و خشنة يعني وسط و انتين اتحركين الخلطة ، و بعدين تضيفين على الخلطة اشوي ملح و فلفل اسود قليل و بعد تضيفين عليها حبتين جبن مثلث و تستمرين في تحريك الخلطة كلما تضيفين شيء ظلي حركي في الخلطة حتى بعدين توصلين إلى الكثافة المطلوبة و بعدين شيلي الجدر من على النار .
خامساً : الطبقة الأولى خلي في البايركس اشوي من خلطة الباشميل و أبدأي امسحي سطح البايركس بالخلطة .
سادساً : الطبقة الثانية بعدين اضيفي في البايركس قليل من المعكرونة الي سلقتينها .
سابعاً : الطبقة الثالثة اضيفي اشوي من خلطة الباشميل فوق المعكرونة .
ثامناً : الطبقة الرابعة اضيفي الخضروات الي قليتينها فوق خلطة الباشميل .
تاسعاً : الطبقة الخامسة اضيفي باقي المعكرونة الي سلقتينها فوق الخضروات .
عاشراً : الطبقة السادسة قطعي جبن السلايس إلى شرائح مقطعه بس لا اتخلين الشريحة كاملة ، قطعي شريحة الجبن إلى شرائح أطوال و أبدأي صفيه في البايركس .
الحادي عشر : الطبقة السابعة بعدين اضيفي عليه باقي خلطة الباشميل .
الثاني عشر : الطبقة الثامنة اضيفي عليه جبن سلايس و قطعي شريحة الجبن إلى شرائح أطوال
و أبدأي صفيه في البايركس .
و بعدين آخر شيء شغلي الفرن و خلي البايركس داخل الفرن و شغلي الفرن من فوق حتى يتحمر و من تحت حتى يتماسك الخليط و من اتسحينه اتحمر طلعيه من الفرن .
و بالعافية