السلام عليكم ورحمة الله
هالطبخة ريحتني وايد من سالفة فوح الدياي والقلاي والعيش كل تسوينه مره وحده المقادير
دياي الوطنية المتبل (استعملت النوعين هني
بس اعتمدت بالتتبيلة الحمراء الذ)
عيش مغسول ومنقع -بهارات هيل ومسمار
بطاط مقطع حلقات -فلفل اخضر-بصل وممكن الاستغناء عنه -انا جربته هالمره وعقب ماقمت احطه
اكتفي بالبطاط واذا عندي جزر
سمن او زيت نباتي
2 مكعب ماجي خضار -ماي حار
زعفران منقوع بماي وشوية ماي
والاهم
طاجن الفرن
1- الدياي
1-الدياي
2-العيش شخلته من ماي النقع وحطيت عليه البهارات
3-البصل والفلفل
4-اول خطوة دهنت الطاجن بشوية سمن تحت وبالاطراف ورصيت حلقات البطاط
5-حطيت العيش
وفيه خطوة ناقصه ماصورتها
6-تذوبين 2 مكعب ماجي خضار بماي حار لكل كوب عيش -كوب وربع ماي حار وتضيفين ملح وتذوقينه وتصبينه عالعيش 
7- تغرزين الفلفل الاخضر بنص العيش وتصفين حلقات البصل
8- تقصين الديايه من النص صوب واحد وتفرشينها عالعيش
9-تصبين الزعفران المنقوع بماي وماي ورد
10-تغطين الطاجن بقصدير والغطا ماله وبالفرن من ساعه ونص الى ساعتين
12 -الشكل النهائي
عقب ما طلعته من الفرن
13-صورة ثانية عشان الحبايب
لاحظو العيش حركته على طرف شلون نثري
