قصيده بمناسبة المولد المبارك
بسم الله الرحمن الرحيم
اللهم صل محمد وال محمد
السلام على الزهراء البتول وعلى ابيها وبعلها وبنيها
الى سيدي ومولاي الامام علي ابن ابي طالب (ع)
تعال وياي واقره وشاهد التاريخ *** حيدر من تنصب عالخلك ابده
بذراعة تنصب حيدر الكرار *** ويافارس اليوصل حيدر شحدة
علي اتنصب اميري وبالعرش مذكور *** هنيالة اليطاوع حبه ويوده
علي لو ما علي ماثبتت الايات *** وبجفة يلاوي الضالم ورده
علي نور اعله نوره ضوه هالكونين *** وصدك لو نخيته تسهل الشدة
علي املاك السماء الحفتة بتقواه *** ورسالات النبوة بأسمة من اده
علي يحضر شفيع وبالحشر تلكاه *** ومناجاته مثل يعقوب وتعده
علي حروف الهداية ويه كل موجود *** وللينخاه صدك بابه ما سده
علي هدم هبل والات والاصنام *** من بابه شوفة وياعلو مجده
علي بيت اليلمنة وسفرة الايتام *** شطر مرحب علي نصين وتحده
علي اول امير وخيبر وعنوان **** مايسلم لروحة اليوكف بضده
علي القران والانجيل والتوراة *** بفراش الرسول بروحة اله فده
منو بيكم امام يقدسه القران *** بعلي وصه الرسول وكال من بعده
لو رايد تعرف منين حامي الجار *** انشد لو ردت عن الابو وجده
علي زوج البتول وراية الاسلام *** حمل دين النبوة بهمته وشده
ما عدكم امام الكعبة طلكت بيه *** علي املاك السماء الطافت بلحده
لبس تاج الخلافة وهو ابو الحسنين *** اخذ تاج الخلافة بزودة ماهدة
حبيته علي وعالفطرة واليناه *** لان قرص الشمس برهان من رده
__________________
"إلاهي كفى بي عزا أن أكون لك عبدا
وكفى بي فخرا أن تكون لي ربا
أنت كما أحب فاجعلني كما تحب"
كلما قلبني الهم ساشكو يا علي حينما يهزمني الدمع سأبكي يا علي في قيامي في قعودي سأنادي يا علي في جهادي وكفاحي أنت درعي يا علي واذا ما نالني الضعف بدربي سانادي يا علي
|