|
من المطبخ الايراني00 الكباب مع الارز بالشبت00بالخطوات المصورة
وصفه خفيفه ولها طعم مميز لذيذ
المقادير والطريقه :
4 بصله متوسطه مبشوره ومهروسه نفس طعام الاطفال شوفوا الصوره
نضيف عليها ملعقه كبيره كركم
ملعقه ملح
ملعقه بهار حلو
ملعقه فلفل اسود
ونخلطهم ونخليهم ربع ساعه عشان البصل ياخذ طعم البهار
في هاي الاثناء نروح للرز البسمتي
في مله كبيره تسيحين ملعقه سمن مع ملعقتين زيت
ونحمر فيهم كوبين ارز بسمتي
ونضيف الماء ( حسب نوع الارز الي بتستخدميه ) والملح ونخليه على نار هادئه لين يستوى
نيجي للكباب
نضيف على خلطه البصل اللحم المفروم والبقدونس المفروم ونقلب
ونسويها على شكل مستطيلات سمكها سم تقريبا ونرصها في صينيه الفرن او تشوى على الفحم
في مقلاه نقلي حبه ثوم صغيره مفرومه مع ملعقه **ده كبيره
نجهز الشبت المفروم ونضيفه للمقلاه ونقلب 3 دقائق لين يكون لونه الاخضر الطبيعي
ونضيفه للارز
ونقلبه طبعا بعيد عن النار
تعالوا نشوف الكباب في الفرن
نفتح ونطل طله
وااااااااااااااااااااااااااااا اااااو
شكله استوى وريحته طلعت
الحين نغرفه ونقدمه مع الارز
وممكن نسوي جنبه سلطه روب وخيار
وبالهناء واالعافية
__________________
اللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً بِرحمتِك يا اَرْحَمَ الرّاحِمين
|