[سر المكنون]

المشاركة الأصلية كتبت بواسطة ترانيم الوفا

هلا خيو

اولا و: قبل اي شيء بنتج الكبيره كان كم عمرها و الثانيه بعد كم عمرها؟؟؟,,,
بنتي الكبيرة كلها جم يوم وتكمل خمس سنوات
والصغيرة سنه وسبعة اشهر
واليوم رابع من صادها ومسكينه كله تحك

والهستامين اعطيها 2.5 ملم اوكي او ازيد الجرعة
خيو بسالج متى يكون ما فيه فايده من المضاد بعد جم يوم من المرض؟؟؟؟

وبالنسبه الى الملطف مال المركز ووديته الصيدليه قالو اللي كله نفس الشيء بس الشركات غير واسمه calamine زين او لا
وبالنسبه للغسول للجسم والشعر هو cyteal

وخيو هل يكتسب الجسم مناعه من هدا المرض ادا اصاب الشعر ومتى يصير الجسم عنده مناعه كامله من المرض
وخيو اني ما صادني هالمرض وهداني خايفه وادا صادني ياريت تكتبين لي الادويه عشان بسرعه اخدها

وسؤال ثاني خيو انتي قلتي لي عن زيت البنفسج وين احصله لانه رحت كم صيدليه ما عندهم وادا ممكن اتخلين لي صورته ويعطيش الف عافية
ومشكووووووووووورة خيو والله يعطيش العافيه على مساعدتنا وفي ميزان حسناتك يا رب

اهلين اختي ترانيم الوفاء,,,

اولا: قبل كل شيء
كل طفل قبل سنتان من الافضل قبل
اعطاءه اي دواء بالأخص المضاد, مراجعة الطبيب
لان الطفل في مثل هالسن اي شيء يقدر يأثر عليه,
على الرغم ان قدرتين تعطين الطفل الاكبر نفس الادويه,
فأني كصيدلانيه اقول لج
ان هالبنت الاصغر الي عمرها لا يتعدى السنتان
هي اهم ان تأخذ الى الطبيب...
مو تخويفاً ..لا ,, بل حذر من مضاعفات امكن احنا ما ندري عنها ,,
لا قدر الله ,,,

1. وعلى حسب ما قلتي اذا اليوم رابع, الى اسبوع,
, يقدر الطفل يأخذ المضاد و يستفيد منه.

2. الانتي هستامين اذا تستخدمين نفسه aerious syrup
تحتاج حتى 2 ملم ,مره واحده يوميا, يأثر ع الطفل...

3. calamone lotion اي زين و مفيد, و صح الكلام الي
قالوا لج هو نفس الشيء بس الشركات تختلف,,

4. اما غسول cyteal فانا عن نفسي ما انصح فيه
بالاخص الى الشعر,, ما اشوف اليه داعي في هذه الحاله و بالاخص الى الطفل..

اما عن المناعه فان الجسم يكتسب مناعه ضد المرض منذ اول اصابه اليه,
اما في حالات نادره يصاب بها الانسان مره اخرى
بس يكون ع شكل اخف...
و اذا ما صادج المرض: في تطعيم لهذا المرض,
تقدرين تآخذينه, اتوقع متوفر في المراكز, بس الي متأكده
منه ان في مستشفى الامريكي عندهم اياه
قبل كان ب11 دينار بس الحين اكيد زاد سعره,,
هو جرعتين الاولى تاخذينها نفس الوقت ,
و الثاني بعد 6 اشهر... هذا التطعيم يمنع ان يصيدج هالمرض
مدى حياتج ...

اما اذا ما بغيتي تآخذين التطعيم ,
وفي حال اصبتين بالمرض, تقدرين تبدأين
بzovirax tablet, تروحين لاي صيدليه بس تطلبين
من عندهم هالدواء و تقولين لهم بغيته الى حب شنيتر,
بيعطونج اياه, و نفسه اي انتي هستامين
مره واحد يوميا مفيد,, تقدرين تستخدمين الغسول
بس ما يحبذ ع الشعر, و ايضا calamine lotion, نفس العلاج
بس هذا تاخذين الدواء ع شكل حبوب..


وان شاء الله ما تحتاجين اليه..


اما عن زيت البنفسج, ما اظن تحصلينه في الصيدليات
بل في اماكن الاعشاب الحواج, وله عالم الاعشاب اكيد عندهم..
ومن تقولين لهم الاسم يعرفونه..


و الله يواليكم جميع الصحه و العافيه ,,


و اي سؤال اخر حاضريـــن