السلام عليكم حبايبي
كيفكم واخباركم
جيتكم طايره
بعد الدوام
اعطيكم طريقة الشاورم الى على الصاج
جربيها والله لذيذه
تبون الطريقه والا اطلع
ولايهمكم:اطلت عليكم بهديكم الطريقه بكل ترحيب بس بسرعه جربوها:
اولا الحشوه :صدور دجاج قطعيها طويله وتبليها بعلبة زبادي ونص ليمونه وملح وبهارات وكزبره ناشفه وكمون وفلفل اسود وماجي ابيض
قطعي بصل شرايح طويله واحمسيه بزيت زيتون ثم اضيفي الدجاج واحمسي حتى يتم الاستوا
واضيفي جزر مقطع طوال رفيعه وفلفل رومى طوال رفيعه
ويتم التقليب حتى ينشف ويستوي
وتتركينه على جنب
برتاح شوي
المطلوب قرصان تشرين من حق القرصان رطب وحار طازج انا اخذت قرصان البركه
نسيت
جهزي قبل خس مقطع وبطاطس مقلي وخيار مخلل
والان نقص القرصان ارباع ونشيل الطرف السميك وندهن مايونيز ونحشى من الطرف العريض لانها راح تكون بشكل مثلث ونضع المخلل والبطاطس ولفي بشكل شاورما طويله
لما تنتهي الكميه ضعيها على الحديده حقت المصابيب او الصاج حسب ماتسمينها
وبعدين احفظيها في حافظه لوقت التقديم وكوليها مع كاس عصير بالعافيه
اسفه اطلت الموضوع عليكم بس الان اقول بالعافيه تكلونها
وسلامتكم
جربوها وقولوااراكم فيها سويتها الصبح مع فطاير وسلطه وانجنواعليهم