[خادمة قائم آل محمد]

المشاركة الأصلية كتبت بواسطة النوراء

أهلين قموررررررررررررررة





كيف حالك..؟؟


1. ماهي هوايتك ..؟؟


2. اذكري لنا موقف مضحك صار لك ..؟؟


تحيآتي

هلا والله نوراااآاء .. نورت الصفحة حبيبتي

آنا الحمد لله بأحسـن حال... انتي شلووونج؟

شوفي يا الغالية ...

بالنسبة الى هواياتي:

أحب القرائة .. وأحب أجرب الطبخ ..هههههه.. يعني على كيفي أحرق .. أخرب..

المهم ..أطبخ وأفلح أخير شي ... مع اني نص نص شاطرة بالمطبخ..







السؤال الثاني .. هههههههه... ضحكت لمن شفته...

لاني مواقفي كثيرة وجميلة..

ولكن عندي موقف لن أنساه أبدا وكل ما تذكرته أمو ضحك... أحس اني

مو قمري!! آنا سويت جذي..؟! هههههههههه...

مرة من المرات أيام الدراسة وأل ما تعلمت على قيادة السيارة كان عمري 18 أو 19

كنت بقمة الاندفاع والتهورر ههههههههه... ما يهمني الي بالشارع اذا

بنت أو شاب أو عجوز أو هندي... الموووهم نفسي....

ودايما سررررعة أقود السيارة وجكم مرة يصير لي سوء ..ولكن الحمد لله ينجيني...

مرة من المرات طلعت من الكلية اللي أدرس فيها.. كنت باخذ break آكل وارتاح

وبعدها أرجع للكلية ..

والاخت كااااشخة آخر كشخة .. ههههههههه... محد يكلمني .. هههههههه...

رحت لسيارتي دخلت فيها ... ما وعيت الا واحد من الشباب اللي في الكلية لاحقني

مادري شنو عنده.. وآنا الحمد لله ما عندي هالسوالف! ...

خفت منه فجأة جاي يطل بوجهي ويقول لي فتحي النافذة (جامة السيارة) أبي أكلمج ضروري

آنا من التطنيش هههههههههههه.. فتحت شووووووي النافذة .... يمكن2 او 3 سنتميتر ..

كان يوقل الأخ حقي : اشدعوة ماراح أسوي شي بس بكلمج! يستهبل ماااالت عليه...

قلت له اذا ما رحت راح أنادي الشرطة عليك وأسوي فضيحة ... كان يقول ..عناد لج بنتظر واقف

لي من تفتحين باب سيارتج وعند التاير (الاطارات) << ماكو شغل الحمد لله والشكر هههههههه...

وأنا اللي ما عندي سالفة انتظرت لي من مرووو علينا شرطة... كان يجي شرطي ..قلت أبي منك شي

ضروري... ولا الشرطي أكرمكم الله طلع حمار... أبي يكون لي عون صار فرعون!!

بدا يتحرش فيني ويقول كلام و و.... المهم آنا دمعت عيني ... وقلت مالت عليك حاميها حراميها

وخليتهم الشاب والشرطي يتفاهمون... لي من أخير شي طلعوا أصدقاء!!

وأنا تأخرت على محاضرتي وما كليت شي ههههههههههه..






الموقف الثاني : كنت مرة لابسة وكاشخة حدي ولابسة كعب ولاااازم كعب..هههههههه

المهم .. مشيت ... تخيلو... بوسط الزحمة والناس اشكال وأنواع .. وشايلة كتب وايد وشنطتي

بروح سيارتي بعد..هههههههه .....الا ...طرباااااااخ..!!

طحت على ويهي ... ههههههههه... فشششلـة وااااااااااي :d27:

جداااام الناس....


من الحياء ... زعلت ...ههههههههههه... وبسرررعة قمت وخذيت أغراضي

ومشيت...









الموقف اللي اتذكره بعد....

ان اختج ... قولي تشوفين الموت .. ولا تشوووف صرصار (زهيوي) هههههههههه

مرة في شهر رمضان كنت مضطططرة أروح الحمام (اعزكم الله)

تعرفين لمن تكونين مضطرة شنو يعني..؟ هههههههه يعني مستعجلة واااااااايد.....

دخلت الحمام.... مووو وقته!!!! ..الا أشوف هذا الصرصور جدامي !!!

شنو عنده...؟ شنو يبي..؟؟ قطيييعــة ... لاعت جبـدي .... كان اقوم وأصررررخ

من قمة راسي هههههههههههه... (نص اللليل ..الناس نايمة) يا ويل حالي...

ههههههههههه.... الحقني يبـا ...مع المؤثرات الصوتية ..تقولين جنة أحد ميت علينا

اعوذ بالله..هههههههههههه....

ابوي يـا بسرررعة مسكين .... كان اقول بكل برووود..... يبا بالحمام صرصور!!!!

تعرفين ابوي شنو وده يسوي فيني.... بقيت أحصل كفخة محترمة منه ..

أخير شي ... قضى على المجرم << الصرصور... ههههههههههه..







ها شرايج... بعد تبين مواقف ..؟؟

ترى آنا حاضرة .. هههههههههه